好多人都鍾意食牛扒,愈大份就愈正。呢間佐敦嘅西餐廳絕對可以滿足到一眾牛魔王,佢嘅粉紅岩鹽安格斯T骨牛扒足足有十四安士咁大塊,肉厚多汁,食完包你滿足!特別嘅係,好多人都會去佢呢到慶祝生日,為嘅就係佢提供嘅星期蛋糕,外形非常精美,絕對可以為人帶嚟一個難忘嘅生日! ▲粉紅岩鹽安格斯T骨牛扒($398),大大份又夠Juicy。 ▲星球蛋糕($288),比較大個,最少兩位人先食得哂。 ▲仲附有小燈炮,更加有氣氛。 ▲除咗蛋糕版之外,仲有爆朱古力版,勁多朱古力,食返夠本! ▲原條慢煮豬肋骨($288/1條;$168/半份),豬肋骨上面鋪咗一層肉鬆,非常惹味。 ▲呢間餐廳都非常貼地! ▲芝士焗墨西哥脆片($68),適合素食人士,份量都好足。 ▲地獄雞翼($68),比較辣,適合鍾意食辣嘅朋友。 Tony’s Hell 地址:佐敦文苑街38號地舖電話:57244537 (WhatsApp)營業時間:17:00 – 23:00,星期三休息 文字來源:香港人遊香港/圖片來源:@hkbanker.foodie.oldsion、tonys_hell、natyuen19...
自問牛肉控嘅你,今個聖誕大飽口福喇!新麻蒲限定推出2人套餐,三個國家高質牛有齊曬,有日本A5和牛、韓國濟州直送1++韓牛和美國西冷牛扒,塊塊都好Juicy,一次過滿足你三個願望。願意點止肉,仲包一杯暖入心嘅肉桂蘋果茶,食完肉仲可以食杯酸甜奶香嘅薑餅人雜莓雪花冷,凍得來又帶來暖意,好快d約隔離個位去食喇! ▲三個國家高質牛肉係齊到,全部都大大塊 ▲美國西冷牛扒,一放落爐燒唔係好耐,未熟嘅肉汁湧出來 ▲日本A5和牛,肥瘦分明,肉質又Juicy 又滑 ▲呢份韓牛地位幾珍貴,有1++既等級,仲要韓國濟州直送 ▲聖誕主題嘅薑餅人雜莓雪花冰,莓汁中有粒粒藍莓紅莓令到有甜酸味道,連埋入口即溶奶香味濃郁嘅棉棉冰,多重味道品嚐。薑餅人曲奇仲要特別人手製造,帶有微微嘅薑味 套餐優惠 下午3點入座,夜晚6點前結帳有八折優惠夜晚九點或之後結帳有八五折優惠*適用於12月22日至26日;12月31日至1月1日*以上優惠可用於主題套餐或其他燒烤套餐 新麻蒲BBQ 銅鑼灣波斯富街24-30號寶漢大廈2樓全層電話:2561 6268 元朗形點商場一期地下G008號舖電話:2470 0013 葵芳新都會廣場185號舖電話:3188 1561 將軍澳坑口東港城225號舖電話:3468 2980 大埔超級城B區2樓287-295號舖電話:3971 0935...
呢間餐廳除了出名食蠔外,最近又有新搞作係就食牛扒。餐廳特別選了6個不同國家的牛扒,包括美國、英國、西班牙、澳洲、意大利和日本。當中採用西班牙熟成50日的肉眼部位,又有日本A4佐賀和牛,仲有只有150日的澳洲天然放養的穀飼牛。照顧晒所有牛魔王迷的需要。 ▲西班牙Lomo Alto Prime肉眼扒($580/10安士、$680/12安士):採用西班牙牛的肉眼部位,用上自家熟成櫃內乾式熟成五十日,令肉質軟嫩,再用大火烤至五成熟,牛扒加上煙燻海鹽。因以熟成方法製作,牛味更濃郁。 ▲Snake River Farms出品的美國SRF和牛西冷($380/10安士):選用美國養殖的日本和牛品種,味道集兩國牛肉之大成,油花分佈均勻且肉味甘香,最適合烤至四成熟,啖啖品嚐其細嫩口感。 ▲吉列日本佐賀A4和牛配柚子醬($380/5 安士):用上達A4級數的佐賀和牛,吉列炸至三成熟,外表金黃香脆,切開中間卻是軟嫩多汁,配上清新的柚子沙律醬。 ▲仲可以配上不同的酒,提升牛扒味道。 峰景餐廳 地址:尖沙咀彌敦道100號The ONE 20樓電話︰2849 5111營業時間:星期一至六 12:00-22:30星期日 11:30-22:30 文字/圖片來源:香港人.遊香港...
呢間西餐廳最近主打乾式熟成牛Dry-aged beef,係拍吊掛及風乾後嘅牛肉,牛肉必須儲放喺接近0攝氏度嘅溫度,令牛肉肉質改變,從而令肉汁和油花更集中,牛扒仲會產生4倍以上酵素,營養價值亦有提昇,呢度嘅出品肉味濃之餘肉質亦非常幼嫩,餐廳仲特別準備三種唔同嘅鹽提升牛扒味道👍🏻好食! ▲充滿藝術感的前菜 ▲乾式熟成牛肉(Dry-aged beef)是指吊掛且經過幾個禮拜風乾後的牛肉 ▲乾式熟成牛除了滿足牛迷食慾外,其營養價值亦不容忽視﹗ ▲餐廳更準備了三款可將牛扒味道昇華到更高層次的鹽,包括海鹽,喜馬拉雅山的粉紅鹽和海藻鹽。 Bong pro – dry aging 地址: 紅磡香港嘉里酒店1樓101號舖電話:234829892時間:12:00 – 23:00 文字來源:香港人.遊香港/圖片來源:Bong pro...
呢間主打Flat Iron Steak嘅扒房最近就由何文田小區殺過海喺銅鑼灣開店,價錢依舊,招牌香草烤平鐵牛扒一樣賣$150,薯條同樣即炸即上,無限量添加,抵食!新店同時引入澳洲Mayura純種和牛,呢種墀每日以朱古力為食糧,脂肪分佈均勻牛香十足! ▲英國王室-Donald-Russell-衣架牛扒-HK268。 ▲平鐵牛扒肉質腍滑、味香濃。 ▲Mayura-Station-朱古力飼平鐵牛扒(HK298)。 ▲Flat-Iron牛扒以高溫扒爐燒,做到炭火風味。 Top Blade Steak Lab 地址:銅鑼灣希慎道2-4號地舖電話:26578210時間:12:00 – 22:00 文字來源:香港人.遊香港/圖片來源:Top Blade Steak Lab...
呢度上年先開,裝修陳設似足舊式扒房,不過同區舊式扒房坐得好逼,呢度就挺寬敞。塊西冷牛扒肉質鮮嫩,塊牛扒仲大過塊臉,厚度足足有成寸,目測份量估計足12安士!!鐵板上既牛扒表面先煎焦糖色,煎得非常漂亮! ▲寶石鐵板美國西冷$138 食落嫩腍牛扒調味足夠,小編推薦黃金組合五成熟配黑椒汁!黑椒汁以洋葱碎、蒜茸同黑椒,香氣十足。 ▲怕黑椒汁太辣,洋葱蒜茸汁都係個唔錯選擇! ▲寶石鐵板紐西蘭牛柳拼扇貝,以煎過車厘茄同薯條做配菜可見誠意十足。淋上濃濃黑椒汁後,香氣四溢! ▲如果想控制返d醬汁份量,可以自己落醬汁,唔怕彈到成身都係! ▲白汁海鮮焗意粉$68 焗意粉都係大大碟!意粉與忌廉汁配搭恰當,提升其美味。 ▲鐵板餐唔跟沙律可以揀蒜蓉炒雜菜! 寶石餐廳 地址:元朗安樂路1-11號明珠樓地下7-9號舖電話:27713600營業時間:11:00 – 23:00 文字來源:香港人.遊香港/圖片來源:@tiffood_61、ravankc、yukikei_mini、lm.mino、diamondrestaurant2017...
高質牛扒🔥! 為歡度法國國慶,扒房La Vache將於7月14日嘅中午12點到下午4點供應無限量招牌牛扒!La Vache!出品嘅肉眼扒達10安士重,肉厚多汁,除牛扒外,客人仲可以任食炸薯條同任點特色飲品及葡萄酒,食肉獸召喚! ▲USDA-Prime肉眼扒每份重達10安士。 ▲肉眼扒生熟程度仲可以由客人決定。 ▲客人可以每位488港元,享用無限量供應的牛扒、炸薯條、特色飲品和葡萄酒,同時盡享一連串精彩娛樂活動。 ▲法式牛扒屋La-Vache一向座無虛席。 La Vache! TST 地點:尖沙咀赫德道12號電話:2666 6818任食價錢:每位488港元時間:12:00 – 14:30(星期一至六)、18:00 – 23:30(星期一至日) 文字來源:香港人.遊香港/圖片來源:互聯網...