呢個時期個個都留係屋企，冇得出街食糖水真係好唔慣！落街買又怕消耗多左個口罩，所以都係決定自己整，要自己整芋圓難度有點挑戰，不過材料就好簡單，少少份量就可以整到好多，真係食足成個星期都冇問題！芋圓係好多香港人最愛，係由香芋、黃心蕃薯、紫薯、木薯粉製作而成，加入西米露、涼粉等糖水一齊食更有風味！
材料：
蕃薯芋圓－
黃心蕃薯 200g
木薯粉 100g
紫薯芋圓－
紫薯 200g
木薯粉 80g
水 10g（根據食材本身含水量添加）
紫薯芋圓－
芋頭 200g
木薯粉 70g
水（根據食材本身含水量添加）15g
▲步驟1：黃心蕃薯 、紫薯、芋頭去皮切成塊，放係錫箔紙裡，入鍋蒸熟。用叉子插一下芋頭，可以輕易插透即係蒸熟。
用錫箔紙分隔可以避免幾種食材互相染色。
▲步驟 2：在黃心蕃薯中放入木薯粉，揉成光滑麵團待用。
▲步驟 3：紫薯、芋頭中放入木薯粉，揉均勻後，如果麵團太乾，可以少量加水調整狀態。
▲步驟 4：桌面撒上木薯粉，將麵團揉成長條，切成小塊。
▲吃的時候放入沸水中，煮至浮面起即可。
▲食唔哂可以多撒一些木薯粉，放係密封袋裡，冰箱冷凍保存。
三色芋圓小秘訣
1.木薯粉可以用地瓜粉代替。
2.因為紅薯、紫薯、芋頭含水量不同，以食譜中量僅供參考，如果出現無法成麵團情況，可以根據實際情況加入少許水調節。
3.黃心蕃薯、紫薯、芋頭含水量＝黃心蕃薯 > 紫薯 > 芋頭，所以粉量依次減少。
4.芋圓同木薯粉添加量有關，木薯粉越多，芋圓口感越煙韌，所以黃心蕃薯做出來係最煙韌。紫薯、芋頭唔建議增加粉量、水量，芋圓雖然煙韌，但是香氣會降低很多。
文字來源：香港人遊香港／圖片來源：Lanfanapp