fbpx
香港人遊香港

遊東京景點:【2、3月就開!東京河津8千棵櫻花!】- 河津櫻祭

睇唔到沖繩櫻花嘅朋友唔緊要,嚟緊2月,東京近郊嘅河津櫻將會盛開,亦都係東京最早盛開嘅櫻花之一,可以快人一步睇到櫻花。正常嚟講,東京櫻花期為3月底至4月初。到時會有多達8000多棵櫻花樹盛開,已經想像到有幾咁盛大。同時,這裏都會舉辦「河津櫻祭典」,有一系列嘅活動,有得食有得玩仲有得賞花添,就好似香港嘅花市咁。到時仲會有有好多日本當地嘅特色小食,例如雕魚燒、章魚燒等等,啱哂一家大細一齊嚟。


▲ 近啲一望,櫻花朵朵分明且色彩鮮豔。


▲ 幾朵櫻花互相集結成一朵大櫻花。


▲ 櫻花配美境,簡直係世外桃園,等我喺到避下世先。


▲ 除咗河津櫻花,其實呢到仲有油菜花,唔係平時啊媽煮餸個啲,而係一大片黃澄澄嘅花海,如果去嘅時候撞正兩種花期重疊,一定好靚!


▲ 可以學下日本人咁,坐喺櫻花樹下,食下粉紅色嘅雕魚燒、飲下櫻花味氣水、同屋企人朋友抽一日時間盡訴心中情。


▲ 想帶河津櫻番屋企?雖然唔可以摘櫻花,但你可以由零開始培養,俾起你隨便摘仲更有意義。

▲ 人來人往,早啲嚟霸定個好位先!

▲ 河堤兩岸都生滿咗河津櫻花,真係靚到美不勝收。

▲ 呢到仲有啲小攤擋俾你買野食,可以試下日本當地嘅祭典美食,等你賞花時都可以有野e肚!

 

河津櫻祭典

地址:靜岡縣賀茂郡河津町
時間:2020年02月10日至03月10日 18:00 – 21:00

文字來源:香港人遊香港/圖片來源:@tzuchiaosung、@izuizuiitoko、@sakibon69、@camera_zuki、@_mimari、@kv525

Tagged with:     , , , , ,

Follow us

合作查詢

歡迎與我們聯絡, 查詢合作