呢款即沖朱古力連兔仔棉花糖唔係咩新產品，只係近期韓國天氣轉冷，大家又飲起朱古力，一盒有10包即沖朱古力粉，但只附送5隻可愛既兔兔，呢款韓國人氣飲品係韓妹冬日之選，呢個品牌既即沖朱古力粉用左完美添和黑朱古力同牛奶，用80－90度熱水沖泡朱古力後，放上萌爆既小兔棉花糖，隨即可愛指數爆登既冒熱煙朱古力熱飲，綿密兔仔棉花糖，令人成個心融化！
▲韓國Mitte 미떼 既即沖朱古力一到冬天就好受少女們喜愛！熱呼呼既朱古力飲品配上可愛既兔仔棉花糖！
▲不過每盒有10包朱古力粉及5個棉花糖小兔，有d「分贓唔勻」
▲沖泡方式係一包朱古力粉以80-90度熱水沖泡，份量係130-140ML左右。放棉花糖小兔放入杯時，需要手握住兔子雙頰，慢慢置入朱古力面層！沾一下紅色腮紅，小兔即刻「紅都面哂」！
▲呢個朱古力含有咖啡因，對咖啡因敏感既朋友留意返喇！另外，呢款朱古力口感較甜，佢亦有light choco / mocca / tiramisu，不過其它口味就冇兔仔棉花糖附送喇！
▲不過飲到最後兔仔樣變成崩壞樣…好似被毀容，其實真係有d於心不忍…
미떼Mitte 漂浮小兔棉花糖朱古力
售賣點：各大韓國超市
文字來源：香港人遊香港／圖片來源：@pigbossgo