想渡過一個悠閒小假期，又唔駛一定要飛出香港既，留港消費都冇問題，有香港後花園之稱既西貢，有間極隱世酒店，係打卡好地方又可以hea一整日！呢間精品海景酒店2018年尾先開幕，黎到指定動作一定係到臨海天台花園打卡影相，影出黎睇彷如身處台灣墾丁向海民宿。而向海既海景房景觀都係5星級，拉開大落地玻璃門，坐係帶玻璃圍欄既海景陽台吹吹海風、曬曬太陽，如此一來就可以遠離都市繁囂，星期一至四最平大約 $1,200 一晚，而星期六、日就大約1600蚊。
▲The Pier Hotel 2018年尾先開幕，共有3層高，以無敵海景見稱，因此人氣十足
▲The Pier Hotel毗鄰白沙灣碼頭，所以係大堂都見到碼頭外既遊艇，無敵海景景觀100分！
▲部分酒店套房有獨立私家露台，就可以同你愛人共享呢個咁美麗既景致！
▲海景天台更可以享受270度無敵大海景！
▲天台上有個露天泳池，不過係夏天限定。
▲房間設計以純白為主，有 7 種房型，而家庭房有齊衣帽間、廁所浴室、開放式廚房、客廳沙發，
▲完全打造一種酒店式公寓溫馨感覺
▲酒店客房設施都好齊全，吹完海風浸個浴再出黎睇下書，晚上伴著海浪音入眠，咁就過左一個完美假期。
The Pier Hotel
地址：西貢白沙灣街9號
電話：2912 6777
到達酒店交通：巴士－92 、792M ，在白沙灣站下車／綠Van：1、1A、101M，在白沙灣下車
文字來源：香港人遊香港／圖片來源：@xiaohongshu、The Pier Hotel