中環小食:【自家手打豬肉燒賣就快冇得食!中環懷舊小食店結業!】- 老友記

呢間懷舊港式小食店位於PMQ附近,主打懷舊及香港人既集體回憶,店內一角更佈置成舊公屋單位場景。小店開左1年超有人氣,由抗爭運動開始已勁撐,店內貼滿文宣,老闆娘心地好做事憑良心,賣既係腸粉、魚蛋、燒賣、碗仔翅,全部都好地道得黎,小店又有自己既風格咁。好似燒賣咁,係自家打豬肉、魚肉,過程真係好辛苦,但為左製作優質燒賣比客人食,佢都在所不辭。不過現實歸現實,老闆娘宣佈佢地捱唔到貴租要結業喇,大家趁最後幫襯下!

▲燒賣既肉餡都係人手打製,小店使用半肥瘦豬肉,時不時會加入馬蹄、芝士,次次食都可能有唔同驚喜!

▲燒賣係即叫即蒸,一次唔可以蒸好多,所以有時都等10幾分鐘以上!有時存貨賣哂更要即場再包製。

▲燒賣($18/4粒)係即叫即蒸,一次唔可以蒸好多,所以有時都等10幾分鐘以上!

▲小店歡迎食客自帶紅酒過黎一路食燒賣,一路摸酒杯底吹水!

▲除左燒賣之外,碗仔翅($28)都係真材實料,碗仔翅特別加入魚唇,另外仲有瑤柱絲、木耳絲、冬菇絲、雞絲、粉絲超足料!

▲招牌洋蔥豬扒包($38)惹味醬汁混入將洋蔥炒香,香口非常!

▲小店室內一角都係懷舊擺設!

▲小店內更有當年叱吒一時既甜書,大家可以懷緬下過去既時光。

老友記

地址:中環華賢坊東17號地舖

文字來源:香港人遊香港/圖片來源:@6neufff、@iishiu0822、@rachelwot、@tracythetsang、@loyaukee1947