遊台灣:【高雄夢時代點亮夢幻聖誕 Las Vegas主題+星光隧道打卡】- 高雄夢時代

每年高雄夢時代既聖誕裝飾都唔輸比台北既耶誕城,今年夢時代用左過千既燈泡燈裝打造超夢幻聖誕同星光隧道,又成為打卡熱點!14米高既聖誕樹非常吸晴,而周邊燈飾就用左Las Vegas 賭場為主題,有俄羅斯輪盤、撲克牌、圖騰等等元素,利用LED燈打造華麗炫目既感覺,令視覺效果更豐富!有多個打卡熱點你一定要知:

▲「聖誕主樹Purple Wish」已經完成亮燈儀式,主題燈光秀每晚6pm-10pm整點都會出現,增添聖誕氣氛!

▲今年主題係Las Vegas賭場,經過呢條星光隧道,帶你穿越到拉斯維加斯!

▲星光隧道一定係現場最熱點既打卡之一!利用左數以千計小燈泡打造,好夢幻啊~

▲利用Las Vegas 為主題新穎又獨特,賭場獨有既LED燈,打造出賭場既華麗、紫醉金迷既感覺!

▲所謂「人人心中都有一座金銀島」,海盜船上既寶藏金光閃閃,現場仲有道具海盜帽可以比你影相添!

▲熾熱既火山非常有氣勢,「夢幻火山秀」每日都上演!

▲另外一條星光隧道則金光閃閃,除左夢幻仲有種置身金碧輝煌既感覺~

▲「藍色星海」打造出一大片藍色燈海,打卡必到!

2019愛sharing – 夢時代聖誕節

地址:高雄市前鎮區中華五路789號
日期: 2019.11.15 – 2020.01.03
開放時間: 11:00 – 22:00

文字來源:香港人遊香港/圖片來源:@unidreammall、@yu_zhen_li、@little.brother.q