太子小食:【好邪惡!澎湃拉芝榴槤餅】- 老徐記芝士榴槤餅

呢間小店係近月新開,已經吸左好多愛好重口味既朋友一試再試!位置係太子站B2出口聯合廣場對面,主打芝士餅小食,有五款口味選擇,包括招牌芝士榴槤餅、香蕉芝士餅、火龍果芝士餅同芒果芝士餅。榴槤餅皮烘得頗為香脆,內餡榴槤使用泰國金枕頭榴槤,經烘熱後更立體帶出榴槤果肉嘅醇香,加埋芝士咸香,味道獨特醉人!

▲至尊招牌芝士榴槤餅($52)一收到order ,店員就將餅放入烘焗,做法同台灣胡椒包類似。

▲至尊招牌芝士榴槤餅($52)有普通及至尊選擇,而至尊就即係榴槤多普通既一倍!

▲芝士芒果餅($38),除左招牌芝士榴槤餅,仲會有香蕉芝士餅、火龍果芝士餅同芒果芝士餅等。

▲芝士芒果餅($38)既有咸香感,又有香甜芒果肉中和芝士膩感!

▲各式芝士餅係即叫即做,輕輕一拉已經有澎湃既拉芝視覺效果。

▲小店開係太子附近,係果邊返工又鐘意食榴蓮既你可以留意下!

老徐記芝士榴槤餅

地址:太子水渠道3-13號長寧大廈地下B1號舖
營業時間:星期一至日 11:00 – 22:00

文字來源:香港人.遊香港/圖片來源:@kadyfung、@foodie.chanchan