鰂魚涌台灣菜:【台灣人主理地道小店!必食鹽酥雞!】- 一葉台灣料理

呢間位於鰂魚涌既台式小店,由真正台灣人主理,店鋪唔大但就有多款經典既菜式,係真正既地道台灣菜!「滿漢牛肉麵」用左經典紅燒湯底,配料有齊牛根、牛肚、牛肋條等等,配以台灣獨有既手工麵條,夠晒正宗!台式便當親民又抵食,「台式花枝卷拼香腸配飯/麵」,一次過可以食到炸到香口既花枝卷同台式香腸!仲有小菜「烏醋骨」,用左台灣烏醋同特製醬汁炆豬軟骨,酸甜開胃!「金沙嫩魚塊」將鮮嫩魚肉炸至黃金,再灑上芝麻海苔,配埋杯台灣啤酒就更有台灣味了!

▲「滿漢牛肉麵」用左經典紅燒湯底,滿漢即係有齊牛根、牛肚、牛肉等等,以古法炮製湯底,牛味濃郁,係小店係招牌!

▲台式便當搭配非常百變,花枝卷拼香腸,配埋肉燥飯就更有台灣味了!

▲「台式葱油拌麵可配雞排或豬排」蔥油香搭配手工麵條,簡單又惹味!大大塊雞排或豬排同樣炸到香脆

▲「豆乳雞」都係台灣常見小食,加入腐乳調味,多左一份大豆香!

▲「金沙嫩魚塊」用左台灣進口鯛魚,魚肉特別嫩滑,但炸過後依然唔會散,最後再灑上台式味島香鬆(即係柴魚,芝麻,海苔),更為惹味!

一葉台灣料理

地址:鰂魚涌芬尼街13號得發大廈地下B舖
營業時間:11:00 – 16:00 / 18:00 – 22:00
電話:25639388

文字來源:香港人遊香港/圖片來源:@formosa.autumn