深水埗日本料理:【隱世高質居酒屋!必食粉嫩A4和牛刺身】- 六本木日本料理

日日飛機日本直送+駐場唎酒師即場做清酒Pairing!

清酒愛好者注意啦!呢間全木裝修充滿日式感覺的居酒屋,有駐場唎酒師即場推介清酒!唎酒師會直接和食客接觸,即場向他們推介合適清酒來提升所配搭的食物味道更加豐富。唎酒師仲會解釋各支清酒分別及口感,了解更多清酒味道。除咗酒更係有美食,最特別就係食材每天日本新鮮直送,只選當日最靚既食材,所以連廚師都唔知果日有咩賣,真係日日有驚喜!當中最吸睛既煙熏A4和牛刺身,色澤光亮極之粉嫩,雪花紋理非常清晰,而且分佈均勻,仲有煙熏效果。A4和牛刺身入口軟淋煙熏味香濃,慢慢散出牛脂甘香。除了刺身外,六本木海老雲丹天婦羅亦是推介必食之一,幾乎每台客都會點,用上牡丹蝦和海膽,再包上紫蘇葉當鑊炸,炸粉輕薄香脆,主角完美特出。

▲全木材裝修店鋪充滿日式居酒屋感覺,牆上貼滿不同清酒的品牌招紙。

▲客人可以根據自己的喜好選擇清酒杯,非常貼心。

▲煙熏A4和牛刺身 ($250) :和牛刺身放在冰鎮上,色澤光亮粉嫩。雪花紋理清晰,分佈均勻。煙熏味香濃,入口有牛脂甘香。

▲六本木海老雲丹天婦羅 ($128) :牡丹蝦和海膽被紫蘇葉包住,炸粉輕薄香脆。入口有紫蘇香味,蝦肉夠彈海膽夠甜再配岩鹽提升鮮味。

▲六本木秘製牛骨肉 ($128) :中間帶點粉紅,牛味重又夠軟淋而且肉汁豐富。

▲明太子玉子燒 ($88) :用鐵板上的玉子燒,蛋香濃郁香滑又夠鬆軟,中間滿滿的明太子帶微辣和微甜的蛋捲係絕配。

▲三色薄脆 ($88) :香脆米通上分別有吞拿魚蓉、魚子、角切三文魚和吞拿魚。

▲流水烏冬 ($78):有得食又有得玩,而且烏冬非常彈牙。

▲炸沢蟹 (時價):宮崎縣直送,細細隻一口size原汁原味以高溫油炸,香脆惹味。

六本木日本料理

地址: 深水埗青山道66號建文大廈地下5-6號舖
電話號碼: 25120001

文字/圖片來源:香港人.遊香港