便利店精品:【Elsa返嚟啦!Frozen系列玩具相機/潤唇膏/潤手霜!】- 7-eleven

嚟緊11月尾準備上映《魔雪奇緣2》,深受大家愛戴嘅Elsa準備又再次同大家見到,相信一眾fans都應該非常期待。配合呢股熱潮,7-eleven都同迪士尼合作,推出一系列Frozen主題嘅系列精品連零食,包括玩具相機、出糖機、發光風扇、夾心餅、潤唇膏、潤手霜同埋消毒濕紙巾,作為Frozen嘅fans絕對唔可以錯過!

▲魔雪奇緣玩具相機連壓片糖($28.5),撳個制就可以隨意轉相,相信係唔少人細個嗰陣嘅夢幻玩具。魔雪奇緣出糖機連壓片糖($28.5),將糖果放去入面,再撳制就可以扭到糖果出嚟。

▲健力氏魔雪奇緣消毒濕紙巾10片裝($65),呢款係以Elsa同小白做封面。

▲森永迪士尼朱古力味夾心餅($9),以Elsa同小白做封面。

▲森永迪士尼士多啤梨味夾心餅,以Elsa同Anna兩姊妹做封面。

《魔雪奇緣》精品

售賣點:7-eleven
注意事項:以上價錢有效期由11月13日至11月19日,價錢或有變動,不會預先通知,一切以店舖售價為準。

文字來源:香港人遊香港/ 圖片來源:7-eleven