fbpx
香港人遊香港

遊台灣美食:【台北米芝蓮推介!真材實料靈芝白首烏燉雞+蚵仔!】- 雙月食品社

天氣開始涼,最岩就係食番D滋陰食物補身!呢間台灣餐廳連續兩年得到米芝蓮推介,皆因佢既原盅燉湯碗碗都真材實料,湯底都係自家熬既雞湯,再加入唔同肉類、藥膳、同菜等,鮮味十足,湯料多到滿瀉!招牌「何首烏燉雞」湯底由當歸、紅棗、桂圓等多種中藥熬製,雞肉食落都唔會太軟淋,岩晒女士補身!「蛤蜊燉雞湯」湯底加左老薑、蛤蜊、高麗菜同雞腿,非常清甜!仲有小菜例如「紅燒虱目魚肚」、鮮蚵仔同樣真材實料,蚵仔隻隻飽滿鮮甜,配埋「雙月油飯」就更滋味!最近佢地仲推出宅配同外賣包,方便買番去隨時都歎到咁高質既滋陰湯品,非常貼心!


▲「靈芝白首烏燉雞湯」雞肉依然保持嫩滑,同時加入多種藥膳熬製,非常滋補,好岩女士調理身體!


▲「蛤蜊燉雞湯」都係招牌湯,相對比較清甜,但用料依然十足,加入左大量蛤蜊、高麗菜同薑絲,味道天然!


▲好少見到咁大隻既蚵仔!隻隻都飽滿鮮味,加上蠔油汁更加提升鮮味!


▲「紅燒虱目魚肚」都好受歡迎,魚肉肥美又有鮮味,連埋滑滑既角皮食就更滋味!


▲佢地既「雙月油飯」有別於外面食到既魯肉飯,油飯粒粒分明又香,麻油香氣十足,加上肥肉搭得岩岩好!

雙月食品社 青島店

地址:台北市青島東路6-2號(捷運善導寺)
電話:02-33938953
營業時間:11:00-14:00;17:00-20:00 (星期日休息)


_________________________________________________________________________________

文字來源:香港人遊香港/圖片來源:@moon_moon_food

Follow us

合作查詢

歡迎與我們聯絡, 查詢合作