荃灣拉麵:【荃灣隱世小店少見蕃茄沾麵!掛湯力十足!】- 麵福屋

沾麵可能大家都食過,但蕃茄沾麵就真係比較少見。呢間係荃灣既隱世小店,主打沾麵,蕃茄紅油沾麵更加係佢地既招牌!湯底是滿滿的蕃茄蓉,加入左少少辣味同蔥花令蕃茄湯更惹味,酸酸甜甜咁非常開胃!另一款魚介豚骨沾麵,湯底用魚熬成,唔知會太鹹但鮮味十足!配料就有叉燒、筍、溏心蛋、蔥花等等,叉燒夠嫩易入口,溏心蛋都有流心,拉麵既粗幼都適中,掛湯能力一流!仲有另一款黑蒜油豚骨沾麵就比較重口味,三款唔同沾麵都可以滿足唔同人既口味,怕唔夠食仲可以追加線添,非常貼心。

▲蕃茄沾麵(HKD$$88)算係比較少見,湯底好濃郁,有滿滿的蕃茄蓉、蔥花,加入少少辣味,好惹味!

▲大大碗既湯底都真材實料,因為係沾麵所以湯底會比較重味,如果習慣飲埋湯底既可能就要飲多兩啖水。

▲另一款魚介豚骨沾麵(HKD$73)都好濃郁,係好鮮味既魚湯底,仲加入芝麻、大量蔥花等,令湯底更有層次!

▲拉麵比較粗身,軟硬適中,掛湯能力十足!

▲溏心蛋都做到流心,大加分!

麵屋福

地址:荃灣享成街18號地舖
營業時間:11:30-15:30, 18:00-21:30

文字來源:香港人遊香港/圖片來源:@lansau__kitchen、@isabelsit