天后糖水:【好有愛嘅糖水店同香港人打氣! 仙草八寶超足料!】- 陪著你走甜品

呢間位於天后既甜品係恩愛夫婦打理,開店契機源自太太既一場大病,令兩位更愛惜同大家相處既時間,老闆更放棄原有高薪厚職,由零開始去學習做甜品,開糖水店主打台式手工芋圓,手工芋圓係用人手手搓製成,唔係入貨機製,特別有人情味,而且仲可以搭配各款自家煲中式糖水如腐竹薏米糖水、蕃薯糖水,女士最愛既3.6牛乳燉蛋白都可以加入手工芋圓令口感更為豐富!

▲ 仙草八寶:材料好豐富,包括:仙草凍、芋圓、番薯圓、西米、紅豆、蓮子、珍珠、洋薏米等。

▲呢度另一個好特別既地方係會用屋村紙皮石做枱,影出黎效果懷舊風,ig打卡係一流!

▲芒果忘年戀($45)芒果控一定要試呢個!係芒果雪糕配上芒果刨冰、芒果肉同芒果味爆珠。

▲燒棉花糖朱古力夾餅($20/2件)燒過既棉花糖會變得軟綿綿,加上甜入心朱古力,食落會有種幸福感!

▲呢度亦有賣中式甜品,最近佢地既單都打上香港人加油字句同大家打氣!

陪著你走甜品

地址:天后興發街62-64號美城花園大廈地下KL3號舖
電話:57211250
營業時間:星期一至四、日 16:00 – 00:00/星期五至六16:00 – 01:00

文字來源:香港人遊香港/圖片來源:@cheroniat、@josehkguide、@quincymak、@standbyyoudessert、@foodiary_hkg