北角cafe:【#真香港人小店!年輕cafe店主堅持夢想終成真!】- Brew Note Coffee Roaster

年輕老闆為左追隨夢想,努力學習製作咖啡,係咖啡師大賽獲獎無數,更係大澳一間cafe工作學師,鑽研沖咖啡技巧。數年前終於係北角呢個小區開設cafe,雖然地方細細,但一到假日就好多知啡之人到訪,追隨熱血夢想既老闆更支持爭取民主自由,引來大量市民懲罰佢,更多人透過到訪小店對咖啡有更一步認識。於是假日黎呢度,除左可以坐係bar台欣賞老闆純熟既沖調咖啡手法,更飲到一份良知,對好多人黎講可能係一份心靈療癒。

▲Matcha latte ($50):使用上日本品牌丸久小山園抹茶粉/Iced chocolate ($48)朱古力口味亦非常濃郁

▲老闆會購入高質生咖啡豆,主推淺焙單品手沖咖啡同單品濃縮咖啡!

▲老闆年紀輕輕,已經係多個咖啡大賽既贏家,17歲果年佢係大澳蘇廬SOLO自學咖啡沖煮與烘焙。如今一面煮咖啡,同時掌控同事料理出餐、清潔,維持效率運作,都得心應手。出黎做生意唔係為左搵好多錢,而係為左實踐自己夢想,同時亦冇忘掉良知。

▲Chef’s Breakfast($108)主廚推薦呢個早餐,超大份包括豬肉腸、烤蕃茄、煙三文魚、牛油果、炒滑蛋、炒雜菇、沙律菜同多士,食完一定全日都充滿活力!

▲想light D 可以揀呢個太陽蛋牛油果多士($65)太陽蛋煎成燶邊,中間蛋黃水汪汪咁!

▲抹茶紅豆卷蛋配咖啡飲,係個完美既下午!

▲老闆貼上社會運動文宣,明撐年輕人同爭取民主自由

Brew Note Coffee Roaster

地址:北角堡壘街19號地下
電話:25629990
營業時間:星期一至五 08:30 – 19:00 / 星期六至日 08:30 – 20:00

文字來源:香港人遊香港/圖片來源:@jayoko_w、@nichol_、@hasorcheung、@chrisyeungkktt、@boneboneporky、@nicefoodgreatwine