天文現象:【諗定許咩願望未?每小時140顆流星劃長空!同月仲有日偏食】- 雙子座流星雨+日偏食

2019年差唔多黎到尾聲,雙子座流星雨就正式登場!今次流星雨12月14日就會開始上演,各位觀星迷要執齊裝備出發喇!雙子座流星雨係2019年最壯觀流星雨之一,到時預計最高峰每小時140顆星劃過夜空!根據天文台建議,最佳觀賞時間會係12月13日晚上9時至14日凌晨6時,撞正星期五、六,睇完第2日唔駛請假,正呀!除左流星雨之外,原來12月仲有另一場天文現象都係受注目,佢就係日偏食喇!時間係2019年12月26日,更天色良好既話就會睇到難得一見既天狗食日現象喇!

▲天文專家稱今次雙子座流星雨係場大型流星雨黎,高峰期預計每小時有流星數量140粒以上!

▲雙子座流星群極大,流星速度雖快但大多好明亮下,多數流星都會留下餘痕

▲要影到流星真係唔係咁容易,除非你擁有「B」快門既相機,將相機較到長期曝光、對焦至無限遠。小編都係諗定個願望,一見到流星就即刻許願!

▲建議選擇天空視野開闊、光害冇咁嚴重地方,例如西貢、大嶼山等地

▲唔想半夜走去荒山野嶺睇流星,小編推介你Boxing Day 果日留意下個天空,抬頭一睇就見到日偏食喇!

雙子座流星雨

日期及時間:2019年12月13日晚上9時至14日凌晨6時以及12月14日晚上9時至15日凌晨6時

日偏食

日期及時間:2019年12月26日,時間大約於下午12時17分至3時22分結束

文字來源:香港人.遊香港/圖片來源: @NASA、台北市立天文館