韓國景點:【粉紅亂子草又返黎啦!入秋遊韓必去賞芒草熱點】- 首爾天空公園/蠶院漢江公園

踏入秋天係遊韓既好日子,除左天氣涼涼地好舒服,仲有好多靚景睇,粉紅亂子草就係其中一個重點了!粉紅亂子草花期大概十月初開始到12月底,自帶粉紫色花穗,遠睇就好似一大片粉紅雲霧咁,非常夢幻,係IG上可以見到個個少女都去打卡架!要睇到成大片粉紅亂子草,唔一定要去到郊區,近近地既首爾市內,都已經有幾個地方可以睇到,一齊黎打卡!

▲粉紅亂子草又名「粉紅黛子草」,花期大概由十月開始,全盛時可生長到一米左右,即係超過半個人咁高架!

▲一去到十月初,就會見到 IG上滿滿都是韓妹係一片粉紅海中打卡,唔洗用濾鏡都超級夢幻啊~

▲係首爾其中一個賞芒熱點就係「天空公園」,搭地鐵到「世界盃體育場」站步行15分鐘內就可以到,非常方便!

▲不過遇著假日既話人潮都唔少,建議可以平日去~

▲另外蠶院漢江公園既「青草庭園」,都係另一個首爾市內熱門賞芒地點!搭地鐵到「蠶院站」即可到達!

▲呢度既亂子草都同樣長得很高,可以將小朋友淹沒係粉紅海裡 XD

▲由於位於漢江邊,黎蠶院漢江公園仲可以欣賞到沿岸景色~  

首爾天空公園

地址:서울특별시 마포구 상암동 487-48
交通:首爾地鐵6號線「世界盃體育場站」1號出口,步行約15分鐘

蠶院漢江公園

地址:서울특별시 송파구 잠실2동 한가람로 65
交通:首爾地鐵3號線「蠶院站」下車即到

文字來源/圖片來源:香港人.遊香港