觀塘日式料理:【#真香港人小店!觀塘熟食市場咖哩沖繩蛋包飯!造星1參賽者開嘅日式料理!】- 峯日式料理

《全民造星2》又開播,又掀起一股追看熱潮,連帶之前《全民造星》click rate都提高左好多,造星造就左Mirror 同Erorr,咁其它參賽既仔仔呢?其中一個入左30強既阿神就同朋友夾份開左日式餐廳,取地熟食市場,但就提供高質優品既日式料理,最重要係,佢地多次係反修例運動中,多次撐罷工,同多次敢言發聲,獲得唔少網民支持!

▲咖哩吉列蝦蛋包飯:選用日本沖繩県蛋,炒至半熟融入芝士,嫩滑、邪惡非常,吉列大蝦只係沾上薄薄一層麵包糠,炸得非常香脆。咖哩微甜,做到色香味俱全!

▲廚師為左將每款菜式打造得更傳神,專程去日本當地請教。鰻魚芝心蛋包飯用上肥美既鰻魚,加上照燒汁,又甜又juicy。

▲鰻魚飯:原條鰻魚分量夠大超厚肉,魚肉無骨啖啖肉,日式照燒鰻魚汁帶微甜,蓋唔過過甘香。

▲鹽燒牛舌飯 ($58):鹽燒處理得得岩岩好,燒完仲有焦香味。牛舌肉質口感油脂十足,內裡係粉嫩色澤。

▲阿神開店後就隨即邀請一眾以前既《全民造星》戰友黎食野!

峯日式料理

地址: 觀塘駿業街駿業熟食市場1樓46
營業時間:星期一至五 12:00–15:30、18:30–20:00;星期日休息
電話: 5428 8748

文字來源:香港人遊香港 / 圖片來源:@mine_kwuntong、@didihaha123、@farn_gung_sik_meh_ho