尖沙咀素食店:【本土新派素食火龍果雪糕 燕麥奶雪糕+越式亞洲餅捲】- DAMA

由一間香港街邊賣果汁嘅小店變成新派優閒素食店,近排進駐咗新K11,呢間嘅食物主打健康為主,連雪糕都係強調冇添加蛋奶,紅肉火龍果雪糕係呢間店嘅最暢銷輕食,有唔少OL底少女特登買嚟食,食落有火龍果籽嘅口感,食落超Fresh!另外一款燕麥奶味都值得去食,似足飲開嘅維他麥精奶味。輕食以外有迷你立體精緻蛋糕、天然水果茶同埋素食者都食得嘅自家製亞洲風餅捲。

▲主打冇蛋奶嘅軟雪糕,有最暢銷嘅紅肉火龍果味($42) 和 Oatly燕麥奶味($38)

▲紅肉火龍果軟雪糕口感充斥粒粒火龍果籽,似食緊棉棉冰,但味道依然好濃水果本身嘅味道

▲選擇困難症可以食雙味混合嘅雪糕水果杯($62)

▲招牌鮮果鳥龍茶($45),龍龍茶嘅味道同水果原味混合,飲落好清新

▲素食者必食嘅亞洲風餅捲,有越式、韓式和日式口味選擇,而呢款係越式口味,混合自家製檸檬香茅醋汁,配料中有檬粉配搭,食落味道酸中帶有微辣

▲迷你精緻立體蛋糕($42),有雜莓、香橙、朱古力和茉莉花朱古力味等選擇

▲紅唇立體蛋糕嘅口感豐富,海棉蛋糕混合慕絲,有香濃嘅雜莓味道

▲呢款係茉莉花茶朱古力味

▲呢間店好重視環保,除咗餐具係用可回收物料製造,樽裝以環保運動輕便水樽為賣點,寫住give me a second life係鼓勵人類環保

DAMA

地址:尖沙咀梳士巴利道18號Victoria Dockside K11 Musea 4樓411號舖
營業時間:10:00 – 22:00

圖片及文字來源:香港人遊香港