荔枝角商場打卡:【返黎啦!我們的荔園!荔園微縮模型+玩盡經典攤位】- D2 Place

荔園係好多70,80後既童年回憶,90後,00後未去過但都應該聽過!為紀念荔園成立70週年,由即日起係D2 Place 將會穿越數十年,重現「我們的荔園」!將會有1:64微縮模型重現成個荔園風光,有多個經典建築例如荔園城堡、百麗殿舞台、動物園、旋轉木馬、摩天輪等等。場內亦設有多個充滿荔園特色的遊戲攤位,包括「荔園百發百中」、「放電肥肥人」、「天奴香蕉池」等,適合一家大細黎玩!今次仲加入左AR互動區,「荔園3D遊樂園」既實境遊戲,加入左科技元素,令你玩得更投入更真實!當然亦唔少得大量打卡位,比你大影特影玩餐飽!

▲由即日起至10月13日,將會重現「我們的荔園」,係回憶殺啊!

▲展覽由本地著名微型藝術單位TOMA Miniatures製作出1:64微縮模型既荔園全景,非常精緻!

▲一個個經典遊戲同建築都以迷你模型方式重現,包括旋轉咖啡杯、荔園城堡、百麗殿舞台等等,超靚!

▲現場亦有多個經典攤位遊戲,可以嬴獎品!

▲黎挑戰下自己將d看公仔帶番屋企啦!

▲玩到餓仲有爆谷等小食添!

「我們的荔園」

日期:2019年9月12日至10月13日
時間:3PM – 9PM(星期一至五); 12NN – 9PM(星期六、日及公眾假期)
地點:D2 Place二期地下The Garage

普通門票: $80 (1張門票+6個遊戲代幣)
「荔園﹒流金歲月」套票: $388 (2張門票+12個遊戲代幣+HK$200「荔園.流金歲月」現金券+額外1次抽YES! Card機會)
Babe Hero套票: $200 (2張門票+12個遊戲代幣+供8歲或以下小童參加「荔園 x Babe Hero」一次)

文字來源:香港人.遊香港 / 圖片來源:D2 Place