主題公園:【LINE FRIENDS哈囉喂派對2019!萌爆LINE 主題/盂蘭神憎鬼宴話題美食!】- 海洋公園

又就黎到10月哈囉喂派對既時間喇!海洋公園今次既哈囉喂全園祭邀請到LINE FRIENDS一齊參加,野食方面都又驚嚇又萌爆!又可愛注入魔幻既美食,加埋七彩繽紛甜品。配合盂蘭老大街呢個主題,一定要破格試佢地既神憎鬼宴,話題之作當然係香爐造型既黑芝麻布甸,搞笑玩味又好味!LINE FRIENDS主題都唔輸蝕!特別推介BROWN & FRIENDS 哈囉喂全園祭套餐,包括趣緻南瓜造型既煙三文魚蟹肉紅菜頭、象徵魔法既匈牙利牛肉湯、主菜可揀烤西冷牛肉或配上水牛芝士海鮮茄汁螺絲粉,仲有甜品作結,食完就可以上路繼續玩!玩完之後,仲可以帶走LINE FRIENDS精品系列!

▲BROWN & FRIENDS 哈囉喂全園祭套餐($388):「幽靈 SALLY 與南瓜」,以可愛南瓜造型示人,橙色既煙三文魚包住蟹肉紅菜頭!

▲BROWN & FRIENDS 哈囉喂全園祭套餐($388):小巫師 CONY 的魔法變奏」,濃郁開胃匈牙利牛肉湯

▲BROWN & FRIENDS 哈囉喂全園祭套餐($388):其中主菜呢個肉食控必選!烤西冷牛肉肉嫩多汁,配 SALLY 造型芝士焗南瓜!

▲BROWN & FRIENDS 哈囉喂全園祭套餐($388):以環保海鮮配上水牛芝士、海鮮茄汁及螺絲粉

▲BROWN & FRIENDS 哈囉喂全園祭套餐($388):甜品係「小巫師BROWN 和 CONY 的浪漫夜空」,香滑芋頭朱古力包住清新菠蘿椰子慕絲

▲小巫師 BROWN 哈囉喂車厘子朱古力卷蛋($68)車厘子口味表層朱古力口味卷蛋

▲南瓜 SALLY 哈囉喂意式脆泡芙 /小巫師 BROWN 哈囉喂意式脆泡芙($28)

▲小巫師 BROWN 牛油杯子蛋糕(芒果味)/小巫師 CONY 牛油杯子蛋糕(竹炭朱古力味)($38)

▲SALLY 哈囉喂紅桑子馬卡龍($58)巨型馬卡龍夾住紅桑子吉士醬

▲盂蘭老大街主題神憎鬼宴($111)百無禁忌既朋友一定要挑戰呢個set!芝麻醬豆腐、白切雞腿、香爐造型既黑芝麻布甸同香橙一個,食飽就上路。

▲棺材炭泥日式黑咖喱焗豬扒飯($98)黑漆漆係日式微辣黑咖喱!

▲安格斯牛肉漢堡配黑椒汁及西西里蒜香蝦串($98)

▲「血獄癲牢」哈囉喂全園祭套餐($298):前菜係意式燴雜菜,巧妙地用一條條意粉做成幼蟲狀;主菜係「蟑螂」原隻鮑魚配雞粒炒飯;老鼠就係血紅色芝士從炸帶子飯糰
內流出,讓遊人親試「解剖老鼠」的滋味,加上炸得脆卜卜的泰國蝦及紐西蘭青口化作黑色碎;而甜品就係橙形狀意大利芝士餅。

▲黑芝麻布甸($32)香爐杯造型黑芝麻布甸,插上三支「香」

海洋公園哈囉喂全日祭2019

日期:2019年9月21日至11月
地址:香港香港島南區黃竹坑黃竹坑道180號海洋公園

文字/圖片來源: 香港人遊香港