fbpx
香港人遊香港

大角咀美食:【打邊爐都可以滿足晒三個願望!高質火鍋+刺身+串燒!】- 表叔刺身串燒火鍋

大角咀打邊爐都可以滿足晒三個願望!高質火鍋+刺身+串燒!

今次小編要介紹既呢間火鍋店唔係任食火鍋店,是一間散叫火鍋配料,又可以再叫埋串燒、刺身既火鍋店。呢度提供既湯底好多款,好多湯底款式都比較新式口味,例如:韓式牛骨鍋、泰式冬陰功海鮮鍋、北海道牛乳豬骨濃湯鍋、胡椒豬肚鮮雞煲等。刺身有多款比客人選擇,仲有埋牛肉刺身、海膽叫添。另外當待應送上火鍋時會有幾碟前菜比客人食住先,都幾好食同開胃嫁,同埋最抵讚係有壺青檸檸檬水飲客人飲!

▲呢碟就係等湯底時比既前菜,今次係龍蝦仔肉青瓜沙律(每次都唔同款)。

▲今次試左店員大力推介既湯底-博多牛坑腩鍋($128): 成個煲都勁多配菜,有大量芫茜、娃娃菜,牛坑腩,客人如果叫呢個湯底可以唔洗再叫蔬菜。呢個湯底食食下會好似胡椒湯味咁,幾特別。

▲(小)手切頂級牛頸脊($148): 牛頸脊份量都算多同油脂分布平均,肉每片都幾厚切, 但厚得黎食落去又唔會咬唔倒, 最緊要係食落去牛味十足, 呢盆野次次黎必叫, 絕對抵食▲雞翼串燒($28 2串): 呢度既串燒好多都好平,雞翼燒到雞皮好脆,啲雞肉都好滑。

▲蜆芥鯪魚肉($48):每粒鯪魚球都炸到好脆,配上個醬汁有少少酒味。

刺身拼盤($98):拼盤有三文魚、帶子、劍魚腩、八瓜魚、希靈魚,每款各兩片同埋都切到好厚,刺身都好新鮮!

▲雜菜盤($48):份量好多,有幾款蔬菜提供分別有菜心、生菜、白菜仔……

手打三寶丸($88):三寶丸分別係墨魚、鯪魚、蝦丸,當諗唔到要邊款,想每樣都試啲,叫呢個岩晒,全部都係廚師手打,食落去都好爽囗同彈牙。

▲白鱔片($78):有六塊,每一塊都切到好厚好肥美,食落去絕對啖啖肉。

▲店內座位都幾闊落,冷氣機足夠令到店內空氣流通,唔會成間店好勁打邊爐味。

▲店外玻璃張貼左好多食物照片,行過既人望到張貼啲相都會被吸引到。

表叔刺身串燒火鍋

地址:大角咀大全街42號地舖
營業時間: 星期一至五12:00 – 15:00/17:30 – 01:00 星期六至日17:30 – 01:00
電話:23232606

文字來源/圖片來源:香港人.遊香港

Tagged with:     ,

Follow us

合作查詢

歡迎與我們聯絡, 查詢合作