觀塘工廈美食:【觀塘工廈用心製作出慢煮日式丼飯】- 慢煮屋

觀塘駱駝漆工業大廈一向出名多美食,而今次介紹呢間日式小店係11樓。呢間小店每日提供固定四款丼飯再加三款期間限定菜式,不過一段時間就會轉款,每個餐都會附送一碗無添加味精既湯。店內是開放式廚房,客人可以望到晒成個製作過程。由於店內食物主要以慢煮為主,如果客人想減少時間等侯製作過程,可以預先在Whatsapp落單!呢間一到星期六日就會好多人排,由於店內座位唔係好多,要預多少少時間去排隊啦!

▲慢煮火灸牛腹扒丼($108): 牛肉係來自紐西蘭鮮牛肉煮,牛肉味濃郁,店主建議將飯撈埋流心蛋一齊食。

▲照燒慢煮雞肉芝士爆丼($88): 雞肉面上有層厚既芝士,趁熱食果陣仲有拉絲既效果!

▲慢煮三文魚配牛油果丼($98): 中意食牛油果既要試下呢個!除左有三文魚外仲會有埋蟹籽。呢個飯食落去好清新,仲有埋青瓜絲。

▲薑汁醬燒豚肉丼($88): 一片片豚肉燒到火喉好適中,唔會燒過龍食落有種好鞋既感覺,另外薑汁同醬燒味可以令到你好開胃咁食晒成飯。

▲慢煮牛腹扒蕎麥冷麵($98): 冷麵食落都幾彈牙,口感唔錯,不過牛肉片份量相對上較為少。

▲店內裝修略為簡約,有開放式廚房。

慢煮屋

地址:觀塘開源道60號駱駝漆大廈311G
營業時間:星期一至六、公眾假期11:30-1600/18:00-22:00
電話:54888867

文字來源:香港人.遊香港/圖片來源:@denise_kwchang、@annie_0319@kenku0216、@sadnessbears、@homekitchenkt、@nofood.nome