中環天婦羅:【大阪老牌天婦羅香港分店!第五代傳人主理廚師發辦!】- 一宝 香港店

呢間大阪天婦羅名店,總店連續幾年獲米芝蓮一星既榮耀,天婦羅特別用高油溫既紅花油炸,食落完全唔覺油膩,係大阪天婦羅老名聲響亮,開業至今接待過各國的首相、總統。係日本有4間店,全部都係家族經營。呢度主理人-豊一郎做天婦羅有 28年經驗,佢原來係第五代傳人,希望把天婦羅發揚光大,舉家移師香港。香港中環店算係第一間海外店,裡面只有8個吧台位同4張餐桌位,想食就要一早book定,食材係每朝從豐洲市場空運到港,選用時令海鮮食材,務求將最地道日本風味帶到香港。呢度有幾款廚師發辦既套餐,全部都精心炮製!

▲花竹蝦有兩個食法,一係原條蘸鹽落油炸,二包紫蘇葉炸,食落有草本香味。

▲平平無奇天婦羅蕃薯同銀杏都令人非常驚喜!前者使用著香甜日本蕃薯,甜度極高。後者亦甘中帶香甜。

▲鳳尾魚係天婦羅餐度都成日見,炸漿唔係好厚不過非常脆口,魚肉嫩滑。

▲粟米天婦羅爽口

▲舞茸天婦羅,咬落去鮮甜菇汁爆發出來。

▲海膽天婦羅做成細卷,油炸後依然鎖住鮮甜,而且賣相保持精美。

▲蝦多士

▲甜品雪糕三文治

一宝 香港店

地址:中環蘇豪鴨巴甸街39號地舖
電話:24680641
營業時間:星期一至二、星期四至日12:00 – 15:00 & 18:00 – 23:00;星期三休息  

文字來源:香港人.遊香港/圖片來源:@kakaleeinstagram、@andrew_l_wong