尖沙咀西餐廳:【熱情西班牙主題晚餐 足料西班牙海鮮飯+松露雞肝釀雞卷】-Uptop Bistro and Bar

尖沙咀酒店推出西班牙風味菜式,款款菜式經複雜考功力嘅烹調而成,有主打菜式之稱嘅西班牙海鮮飯,選用經蒜蓉牛油烤香嘅美國龍蝦尾、西班牙青口、蜆、炸魷魚圈及西班牙香腸粒。香煎松露雞肝釀雞卷更係表現出廚師功力,廚師先將大烤菇、雞肝及洋蔥切碎,用白蘭地酒炒熟,將打成蓉嘅黑松露醬釀入雞柳中製成雞卷,再攝氏67度慢煮45分鐘,最後煎香而成,雞肉同黑松露味道融合,帶出啖啖雞肉鮮味。

▲烤龍蝦尾配西班牙海鮮飯,選用美國龍蝦尾,用蒜蓉牛油烤香,另外有西班牙青口、蜆、炸魷魚圈及西班牙香腸粒的番紅花海鮮飯

▲西班牙焗龍脷柳配蒜片蝦,龍脷柳表面舖滿芝士、番茄醬及黑橄欖後焗8分鐘,令魚肉夾雜醬汁,鮮味十足

▲西班牙炸油條配黑朱古力醬及黑朱古力雪糕

▲鮮莓窩夫配雜莓乳酪雪糕

▲烤伊比利亞豬架,選用黑毛豬架,用58度慢煮2小時再烤香,肉質鮮嫩又多汁

▲加利西亞雜菜湯,廚師用咗西班牙香腸、馬鈴薯、白豆、白蘿蔔及椰菜等材料連同豬骨熬,味道清爽不油膩,味道清甜

▲烤肉眼扒配帕德龍椒,選用厚切美國肉眼扒,客人可以選烤扒的生熟程度,醬汁特別用西班牙里奥哈區紅酒及香茅煮成

▲水果紅酒特飲及水果白酒特飲

▲香煎蟹餅配熱情果蛋黃醬,用上新鮮蟹肉,混入雞蛋、芥末、麵包糠及紅椒粒製成蟹餅再煎香,淋上熱情果蓉及橙汁製成嘅醬汁,微酸的味道令人胃口大開

▲香煎松露雞肝釀雞卷,烹調步驟繁複,將大烤菇、雞肝及洋蔥切碎,用白蘭地酒炒熟,加入黑松露醬打成蓉再釀入雞柳中製成雞卷。雞卷以慢煮45分鐘,上碟前再煎香,令肉質鮮美

Uptop Bistro and Bar

地址:尖沙咀漆咸道南117 號珀薈酒店19 樓
電話:(852) 2117 3526
營業時間:7:00 -10:00 (早餐);12:00-14:30 (下午茶);18:00-22:00(晚餐)

文字來源:香港人遊香港/圖片來源:Uptop Bistro and Bar