荔枝角又多左間食日式刺身飯，呢間除左主打一啲特色日式丼飯之外，仲會有手卷、壽司同便當。呢間係以街坊價錢就食到新鮮魚生，材料好新鮮兼保證唔會留過夜。呢間既米飯係用赤酢黎整，每一粒米飯都食得出好香醬油味，而海膽亦都會因應季節用唔同品種既海膽！店內仲會提供多款清酒比客人叫，有興趣飲清酒既客人可以黎呢度食住刺身咁飲。
▲原條蒲燒肥厚鰻魚飯($138):鰻魚係即叫即燒，勁厚身同大條，鏝魚下面係滑蛋飯，一上菜見到呢個份量有啲嚇親，完全係兩個人既份量黎！
▲海膽松葉蟹肉丼($168): 今次食呢個個海膽品種係加拿大品種，食落去唔會好勁海水味，有海膽既鮮甜味，份量好多！
▲上勝特盛丼($188):呢個刺身飯岩晒啲揀唔到食咩魚生既朋友，一個飯就滿足到好多個願望。魚生有牡丹蝦、拖羅、拖羅蓉、海膽、三文魚、油甘魚、帶子、三文魚籽同玉子，好豐富阿！
▲香蔥拖羅丼($148):飯同香蔥拖羅蓉份量岩岩好，唔會話太少拖羅蓉太多飯。
▲上勝三色蝦丼($248):燒龍蝦、牡丹蝦、甜蝦。愛蝦之人一定要叫呢個食下！
▲餐廳有一大幅日式風味既畫，畫上有大量同日本有關既圖案。
上勝日本料理 KAMIKATSU
地址:荔枝角長義街10號昌隆工業大廈地下2B舖
營業時間:11:30 – 16:00/18:30 – 22:00
電話:39973896
文字來源：香港人.遊香港／圖片來源：@tummysready、@kamikatsu.hk、@larisa_bunnyland、@qq_chuchu、@jayngkevin、@steve_mls