觀塘台灣菜:【觀塘工廈驚喜CP值超高台灣菜!】- 小伊甸

觀塘工廈近年發展成一個食野地方,有唔少特色餐廳。今次要介紹既呢間係食台灣料理菜,仲會有Board Game、PS4、Switch比客人玩添,岩晒啲三五知己約埋一齊坐低食飯傾下計玩下GAME。同埋呢度啲食物款式好多,而啲價錢都好大眾化,一般都係$60-$70呢個價位度。店內有唔少樂器,例如結他、喇叭、音響,初初入去仲以為呢度係一間band房。

▲寶島蛋餅($31):蛋餅早餐先有,餡料係芝士雞肉,入面包住雞肉、雞蛋、芝士,趁熱食果陣芝士仲會有拉絲既效果。

▲羅勒青醬燻雞意大利麵($73):意粉都好好味,有啲雜菇作配料。

▲古早味藥膳當歸鴨腿湯($72):呢個麵線好重藥膳既味道,怕藥膳味既客人未必岩,鴨腿肉食落去都算嫩。

▲紅豆仙草芋圓(跟餐+$15):碗湯水份量好大,有好多煙韌芋圓,食落去都好滿足。

▲鹽酥大雞排台式肉燥飯($73): 肉燥份量好夠撈飯一流👍🏻鹽酥大雞排新鮮即炸,不過始終唔夠多汁軟滑,對得住呢個價位。

▲綜合滷水台式肉燥飯($67): 有雞中翼、蘿蔔、牛展、滷蛋作配菜,肉燥飯份量都多,絕對抵食。

小伊甸

地址:觀塘官塘道436-446號官塘工業中心第四期1樓C室
營業時間:星期一07:30 – 17:30/星期二至五07:30 – 21:00/星期六07:30 – 13:30
電話:37053143

文字來源:香港人.遊香港/圖片來源:@20foodhk、@vvv_foodie@foodguide_j4、@food.ie_at