遊台南美食:【睇得又食得!平價卡通人物梳乎厘!】- 逼格時代

呢間外帶店除左有各款口味、各款卡通人物造型之外,仲有唔少飲料提供,當中最受歡迎既飲料就係黑糖波霸奶茶。由於小店唔大,員工唔多,而都係即時製作,一般大概要等10分鐘左右,所以會建議先電話訂購再取。呢個價錢既舒芙蕾,仲要即製,絕對值得黎排隊買!最近店主仲推出左一系列ToyStory角色造型既舒芙蕾,黎開台南既你記得黎試下啦!

火腿豬(新台幣$100): 呢個係莓果味同黑糖珍珠,亦都係ToyStory系列既其中一個角色造型,鐘意火腿既你必試呀!

特濃提拉米蘇 (新台幣$100): 呢個食落係好濃郁咖啡味,面頭仲會有核桃粒同埋有焦糖爆谷作配料。

竹炭巧克力舒芙蕾 (新台幣$100): 唔好以為呢個全黑朱古力會食落好漏,食晒成個都仲得,呢個面頭仲有啲Oreo碎。

▲三眼(新台幣$100):呢個係用左日本靜岡抹茶粉黎整,有濃郁抹茶香氣再配搭黑糖珍珠。

小小兵(新台幣$100):其實呢個係香草布丁口味搭配啲黑糖珍珠,個Minion造型實在太可愛啦!

脆皮焦糖布蕾 (新台幣$85):最頂個都既焦糖燒到好脆皮,甜甜地,每啖都加埋珍珠黎食,可以增添個口感。

逼格時代

地址:台南市永康區中正南路504號
營業時間:星期二至星期六 10:00-18:00
電話:06-243 3775

文字來源:香港人.遊香港/圖片來源:@bigstyle2433775