遊台灣美食:【人氣網店台版Lady M 開實體店!必試限量綜合水果千層蛋糕!】- 稍甜SyrupLess

呢間係網絡一直有人氣,好多客人訂購完都話好食,本身只有工作室以面交及宅配既方式賣,仲有八吋大千層蛋糕先可以宅配。但家陣開左間實體店比客人堂食啦,千層蛋糕亦都可以一件件咁買,如果一班朋友去仲可以叫幾款唔同口味一齊食添!呢間之所以咁出名原因係因為佢比起LadyM實在平啲,以口味亦都有多款選擇。呢度既千層蛋糕食落會有種入口即化既滋味,因為實在整到好滑同埋唔會過甜。

▲火龍莓果千層 (新台幣$200):食落去就酸酸甜甜咁,同埋會有啲果醬係入面,口感相對地特別有層次。

▲純芒果千層 (新台幣$250):呢個係夏季限定既千層蛋糕, 切面就芒果整到一格格磚牆咁,芒果似係夾入愛文同金煌芒果,食落真係好甜。

▲綜合水果千層 (新台幣$250):千層餅皮實在整到好薄,有多款生果包括草莓、奇異果、香蕉等,可以係台灣食到日版HARBS水果蛋糕。

▲香檸伯爵千層: 有種伯爵茶既清香味,同埋會咬到啲檸檬乾粒,食落去酸酸地但又茶味,好清新唔甜既口感。

▲藍莓千層蛋糕 (新台幣$230): 會有啲藍莓果肉係入面,食落唔會好甜。

▲店鋪裝修以簡約同舒適為主,位唔算話好多。

稍甜SyrupLess

地址: 台北市敦化北路145巷5號
營業時間: 星期一至日 12:00-20:00 

文字來源:香港人.遊香港/圖片來源:@tigerkaylee@karenchang_liu@pigeateatfood、@joshahu18@papa90242