銅鑼灣展覽:【6大萌爆Q版英雄打卡位!超人/蝙蝠俠/神奇女俠/閃電俠見面會!】- 皇室堡

暑假又到喇,各位家長可以帶埋小朋友周圍行街街!天氣咁熱指定動作緊係要匿埋係商場涼冷氣啦,銅鑼灣呢個場就搵黎人氣正義聯盟6大Q版角色同大小朋友一齊放假!場內有6大主題打卡場景,地下中庭打造至萌好玩既超級英雄基地,同時仲有game比大家參與,不過最令人期待既都係正義聯盟見面會,Q版角色會同大家見面,係場內消費,仲有機會得到正義聯盟棋或者正義聯盟彈彈筆,絕對高質!

▲人氣正義聯盟6大q版角色,包括超人、蝙蝠俠、小丑、神奇女俠、閃電俠黎到皇室堡

▲水行俠飛船,Q版水行俠好有型!

▲極速超人火箭唔知有幾快呢?

▲蝙蝠俠小丑大戰葛咸市

▲The Flash!左閃右避光速跑

▲正義聯盟見面會有4個Q版公仔!

▲場內消費滿指定金額或WINDSOR CLUB會員憑指定積分,就可以帶走精美既正義聯盟彈彈筆 ,有四款包括:閃電俠款式、小丑款式 、神奇女俠款式、蝙蝠俠款式。

▲另一款可換禮品就係呢個正義聯盟「棋」趣套裝,岩哂一家大細一齊玩!

正義聯盟@皇室堡夏日小英雄聯「萌」

日期:2019年7月7日至9月1日
時間:上午10時至晚上10時
地點:香港銅鑼灣告士打道311號皇室堡地下中庭

文字來源: 香港人.遊香港/圖片來源:皇室堡