fbpx
香港人遊香港

尖沙咀下午茶:【花漾鮮果酒店下午茶!桂花/茉莉/櫻花+水果變茶點!】- 富豪九龍酒店V bar & lounge

酒店high tea花漾鮮果主題下午茶!桂花/茉莉/櫻花+水果變茶點!

夏天除左係鮮果既季節,亦係繁花盛開既季節,呢間酒店既High Tea Set就將鮮果和鮮花同時入饌,打造出多款創意小食同甜品!將鮮花加入鹹點如「桂花鮮蝦牛油果三文治」就用左希臘乳酪同乾桂花,「櫻花帶子蒸蛋」有帶子鮮甜又有櫻花清香、「櫻花壽司卷」就以鮮花圖案呈現,精緻悅目!鮮果方面例如有「芒果雞肉米紙卷伴薰衣草汁」,薰衣草汁加左蜂蜜烹調,更見香甜、「蜜瓜凍湯伴桂花薑蜜」、「軟殼蟹伴香橙醬汁」等等都好創意,味道豐富!甜品方面又點少得夢幻又剔透既「櫻花水信玄餅」、「櫻花雲呢拿慕絲」口感細滑清甜、「甘菊檸檬撻」又有菊花清香!最後再配以一杯冰凍水果茶或illy咖啡作結,好滿足啊!


「花漾.鮮果」下午茶套餐,共有12款甜點同鹹點,每款都以鮮花配合新鮮水果打造,極具創意又精緻奪目!


▲其中「櫻花壽司卷」以鮮花圖案呈現,打卡一流!「櫻花帶子蒸蛋」則以原個雞蛋外殼盛載,帶子鮮味融入蒸蛋中,非常清甜!


▲六款甜點每款都精緻出色!「茉莉花瑞士卷」用左竹炭蛋糕呈現、「櫻花水信玄餅」晶瑩剔透、「甘菊檸檬撻」以盛開的菊花為造型,味道亦有淡淡菊花清香!


▲餐廳環境設計優雅舒適,亦有露天茶座,最岩同閏蜜黎打卡兼歎盡下午茶!

 

「花漾.鮮果」下午茶套餐

地址:香港尖沙咀麼地道71號富豪九龍酒店地下 V bar & lounge
電話:2313 8788
供應日期: 即日起至2019831日 (每日下午3-6時)
價錢: HKD348兩位 (另加一服務費)

文字來源:香港人.遊香港 /圖片來源:V bar & lounge

Follow us

合作查詢

歡迎與我們聯絡, 查詢合作