fbpx
香港人遊香港

元朗點心:【元朗新派創意點心店!大推千島醬脆皮蘿蔔糕+春風得意腸】- 一哥點心

元朗新派創意點心店!大推千島醬脆皮蘿蔔糕+春風得意腸!

元朗出名多野食,家陣點心鋪都開左好幾間新鋪!而呢間係專賣啲新派創意點心,好多款點心都係獨家得呢度有得食,個造型外形夠晒特別得黎又好食!除左點心之外,呢度仲有燉湯同蒸飯出名,可以係度同屋企人飲下茶,食番餐個又好美又高質既點心。順帶一提既就係呢間收半夜一點鐘,岩晒啲夜鬼想食宵夜既黎食番晒飽肚!除左元朗人之外,仲會有唔少客人特登過黎元朗食添,繁忙時間呢間仲要排隊嫁!

▲春風得意腸($33):腸粉皮包住左炸油條,入面仲有馬蹄同蝦肉做餡,上面再加蟹籽,口感都幾豐富!

▲蒜香蝦春卷($24):春卷皮炸到好脆,但食落去又唔會好油,同埋有啖啖蒜香味!春卷餡都好多,食落都飽!

▲千島醬脆皮蘿蔔糕($28/4件):比出面點心鋪特別之處就係蘿蔔糕係先炸,然後加上千島醬汁再加木魚花,食落去個口感好特別!

▲趣緻小白鼠($28): 其實係糯米池黎,不過外形變左隻老鼠,餡係紅豆味,但食落去有少少甜同漏!

▲啤梨鳳梨菓($32): 個皮都炸得幾脆,食落去同咸水角個皮一樣,只係個餡唔同左,由咸變左做甜餡,鳳梨餡食落去甜甜地仲有粒粒鳳梨肉食。

▲紫薯流汁煎堆仔($28): 外面層紫薯皮好脆,一咬第一啖啲奶皇餡好流沙,好食!

一哥點心

地址:元朗教育路89號鴻發大廈地舖
營業時間:星期一至日08:00-01:00
電話:27801388

文字來源:香港人.遊香港/圖片來源:@estherlttfoodie、@fattymountain@helenlau1028mm@moon_usako

Tagged with:     , ,

Follow us

合作查詢

歡迎與我們聯絡, 查詢合作