fbpx
香港人遊香港

旺角點心:【粉紅色蒸籠+的骰創意點心!舒服歎新式飲茶點心!】- 點心廊

粉紅色蒸籠+的骰創意點心!舒服歎新式飲茶點心!

新式飲茶點心不斷係社區遍地開花,呢間位於旺角雅蘭中心既點心店打高質優雅路線,用少女大愛既粉紅色蒸籠,加上現代化既藝術裝潢,打卡出黎效果顯著。唔止外在環境同餐具架,食物質素都非常有保證架!呢度有來自喜來登酒店中菜廳前總廚加持,創作出創意既招牌點心。想一次過試到呢度既主打點心,可以order創作六式拼盤,造型件件的骰包括金箔墨汁蟹粉鮮蝦餃、海膽鳳眼餃、原隻鮑魚雞粒酥、黃金啤梨鹹水角、黑白芝麻流心煎堆仔、一口燕窩蛋撻,影相打卡必食!


▲創作六式拼盤 (兩位用/$198 )金箔墨汁蟹粉鮮蝦餃、海膽鳳眼餃、原隻鮑魚雞粒酥、黃金啤梨鹹水角、黑白芝麻流心煎堆仔、一口燕窩蛋撻,一啖一件


▲創作六式拼盤 (兩位用/$198 )鹹水角同煎堆仔好似熱氣,不過店家就放左塊苦瓜比你清清熱。


▲一口燕窩蛋撻都係細細件,好矜貴,係女士最愛!


(前)帶點辣味的麻婆豆腐日本帶子餃利用菠菜汁製作外皮,碧綠晶瑩。(後)墨汁蟹粉鮮蝦餃。陳師傅取材自西餐的墨魚汁,加入蟹粉與蝦肉,金箔造出畫龍點睛之效。


▲盛載點心的紅色小籃子以紅菜頭汁液染色,體現師父的用心。


▲黑魚子脆脆糯米的概念來自軟糯的栥飯,半煎炸糯米包著瑤柱及蝦肉等材料,層次分明,口感複雜,再加上來自德國的黑魚子,青瓜墊底,十足爽脆。


▲鮮蝦腸粉採用原隻鮮蝦,粉皮香而皮薄,蝦大大隻,十分彈牙而鮮甜!


▲呢度既蝦餃堅持有12摺,餃皮好薄富韌力,蝦仁同樣新鮮。

點心廊

地址:旺角彌敦道639號雅蘭中心2樓201號舖
電話:28851910
營業時間:11:30 – 23:00

文字來源:香港人.遊香港/圖片來源:香港人.遊香港、@chihwaho、@dimsumgalleryhk、@sajai5354

Follow us

合作查詢

歡迎與我們聯絡, 查詢合作