南昌既朋友有福喇,南昌個街市/商場裝修左咁耐,終於有個新面目喇,南昌居民眾多,呢個街市翻新之後靚左、好行左又舒服左,一改又污糟又逼既街市形象,賣既食材相當高汁,而且買餸終於唔駛行咁遠!小編超鐘意食生果蔬菜,發現呢度既生果種類比一般街市多,好似有火箭蘋果同日本糖瓏蜜瓜咁,蔬菜方面,小編超like佢已經準備好一份份一人份量既沙律菜或蔬菜,價錢比超市賣平好多呀!街市除左有食材賣之外﹐仲有野食既,好似有梳乎厘pancake同黑糖珍珠呢d大熱掃街小食!
▲南昌附近落成唔少大型屋苑,多左好多年青夫婦入住,南昌街市重新打做成為南昌薈
▲南昌薈既蔬菜非常新鮮,淨係蕃茄仔都有好多款選擇喇!岩哂整沙律既朋友仔!
▲小編不得不佩服佢地連蕃薯種類都有10幾款,黎自世界各國,好多大超市都冇咁多野揀!
▲水果種類琳瑯滿目,送禮自食既時令日本蜜瓜都有!
▲一個專業既廚師,對基本既食材都好講究!呢度既雞蛋都有好多款!
▲除左有食材賣之外,仲會有熟食、小食呢d掃街野,小編就飲左杯黑糖珍奶
▲小編行街市當日仲撞到有美男廚神示範煮食
▲呢個就係完成作喇!
▲另一個示範鮮果撻
南昌薈街市
地址: 深水埗西村路19號南昌薈街市
營業時間:09:00–19:00
文字/圖來源:香港人遊香港