北角自助餐:【自助餐都有得食盡各國夜市食物+招牌珍寶菜式】- 城市花園酒店綠茵閣

有時候同朋友食番唔知食咩好,每個人都有唔同國家菜式想食,食自助餐都係一個唔錯既選擇!63日綠茵閣推出左全新主題「大夥兒吃盡城中夜市」自助晚餐,主要係有唔同國家既特色小食。另外仲會有三款招牌珍寶菜式:三尺長威靈頓牛柳、28吋大盤西班牙海鮮飯同埋大籠蒸15公斤龍躉(只限星期五至日供應)。

韓式炸雞:酸酸甜甜,食落啲雞又唔係好林身

中式牛雜:都幾入味,有蘿蔔,牛肚等。

脆皮肥腸:炸到好脆皮。

清蒸大海班:條魚唔算蒸過龍,魚肉都幾滑。

頭盤海鮮:款式都幾多,有藍青口、大蝦、青口、麵包蟹、蟹腳,翡翠螺。

芝士拼盤:可以連埋餅乾一齊食就無咁流,推介blue cheese,食落去幾特別。

大籠蒸龍躉: 龍躉有成15公斤重、20吋長要用個特製既大籠去蒸,舊魚肉好滑又啖啖肉。

煙三文魚頭盤。

口水雞:食落去唔算話好辣。

水果奶凍:有士多啤梨、藍莓、奇異果味,奶凍食落去都幾滑。

即製pancake: 製作完後有好多款配料可以比客人自選。

即製雞蛋仔:一份係有超過半份蛋雞仔比客人,食落去外脆內軟,都唔差!

巨型西班牙海鮮飯:盤飯有成28吋甘長,鋪滿晒唔同海鮮如青口、鮮蝦等。

自製芋圓:有蕃薯圓、芋圓、紫著圓、小丸子比客人自選,另外仲會有爆爆珠、芒果、珍珠、椰果、黑珍珠揀黎做配料添

燒肉眼:有個廚師會幫客人切一片片。

即燒乳豬仔:即燒既個皮真係幾脆下,一份既話每人都可以扲到兩件。

蒜蓉粉絲蒸帶子:會有個點心籠裝住然後即場製,有時比客人扲晒可能要等廚師即場再蒸比你。

爐端燒:有菠蘿、雞翼、羊架,三文魚頭可以比客人選擇。

特長威靈頓牛柳:有好多餐廳都有威靈頓牛柳食,但咁特長版真係第一次見。

如果客人影相再upload去社交媒體同標註#城市花園酒店,即送人氣迷你版瀑布蛋糕。

「大夥兒吃盡城中夜市」自助晚餐

供應日期:201963日至另行通知
星期一至四 成人$508 小童$378 長者$468
星期五至日及假期 成人$548 小童$398 長者$498
透過網上系統訂座及繳付可高達7折優惠

父親節自助晚餐

供應日期:2019615日至16
615 成人$578 小童$458長者$518
616 成人$638 小童$518 長者$578
透過網上系統訂座及繳付可高達78折優惠

城市花園酒店綠茵閣

餐廳地址:香港北角城市花園道91
營業時間:06:30-00:00
電話:28064922

文字來源/圖片來源:香港人.遊香港