突破味覺享受+視覺衝擊既中菜！ 打卡一流龍皇吐霧鮮鮑魚！

位於觀塘區，有一間主打鲁菜 (山東)點心中菜館，佢經常爆滿，人氣極高，今次我就去左食佢既lunch，大有驚喜，有幸得到多年醉心鑽研孔府菜的主廚譚澤權(澤師傅)親自操刀，今次糅合特殊烹調技巧和視覺美學，秉承孔府菜傳統的「食不厭精」精神，在最新推出的單點菜單中呈獻一系列「龍皇御膳」菜式！當中主打的「龍皇吐霧酒香鮮鮑魚」更巧妙地利用食用皂來製造餐桌上的「龍皇吐霧」奇景，為食客帶來非一般視覺饗宴。

▲龍皇吐霧酒香鮮鮑魚 （$88）這道菜特別嚴選珍貴的南非6頭孔雀鮑製成，鮮鮑以秘製鹵水汁浸泡，份外鮮甜入味。

▲最特別的是這道菜式除了用料上乘，師傅更創新地糅合現代視覺元素，上菜時會先將乾冰鋪滿底部，然後食用皂的氣泡逐漸越脹越大，直至爆破的瞬間煙霧瀰漫整個餐桌，頓時呈現恍如「龍皇吐霧」的仙境，蔚為奇觀。

▲仲有原隻片皮鴨，好有柴香，原隻燒，再加上新鮮配料，口感十足

▲色香味俱全，每一口都感受到油香，係外面都食唔到咁正既燒鴨！

▲洞天一品小炒皇 （$238）  一班朋友歡聚，最適合叫一碟惹味的小炒王。海蔘、XO醬、鮑魚絲、西芹、腰果等材料鹹鹹香香，加上鑊氣十足，令人食指大動。

▲艷影蝦球，將大蝦炸香再配上自製酸甜沙律醬，同一般酒樓做法唔同。

▲黑松露香煎龍躉扒，龍躉肉質鮮嫩而結實

▲桂花椰汁糕，椰香同桂花香夾雜！

▲最後仲有滋陰養顏既紅棗糕，女仕必食，淡淡紅棗香，入口煙韌纏綿。

綠林甜品

地址：觀塘駿業街58號3樓
電話號碼：31033833
營業時間：08:00-23:00

文字來源：香港人.遊香港／圖片來源： @香港人.遊香港