遊台灣:【台中西區雲朵白色夢幻咖啡店!必食Good Morning Q蛋】- 咕嗼咖啡

台中有一間Cafe個名改為咕嗼既諧音係good mood,原因係因為老闆娘希望客人黎到間Cafe食完個豐富既早午餐後可以能夠有好心情!呢間Cafe既裝修主要以白色、大理石色、小雲朵為主,感覺的好似置身係好夢幻既空間度。呢間Cafe坐位唔係好多,約得20個位,一到假日都多人排隊,所以建議事先訂位!同埋呢間Cafe有最低消費嫁,每人$100台幣。呢間最特別既菜式就係Good Morning Q蛋,其實係一個雞蛋造型既蛋糕,然後用來雞蛋盒裝住。

▲Good Morning Q蛋(220台幣6隻): 雞蛋造型既蛋糕,裡面既餡係麻糬,食落係軟Q既口感。另外仲有4種口味既醬比客人揀黎點,分別係牛奶抹醬、朱古力醬、紅茶抹醬、咖啡醬。

▲ 日式胡麻雞肉($180):呢個菜式係涼拌,意粉撈特調胡麻醬,配料就有溏心蛋、手撕雞肉、季節時蔬,成個菜式食落去好清新,夏天食岩晒!

▲凱薩圓舞曲($210台幣):好似All Day Breakfast 咁,仲配搭左法吐司、蔬果沙拉、德式脆腸,成個餐又好食又健康,份量又好多。

▲英國貴族伯爵茶紅茶後腿肉($190台幣):呢個係Set黎,所以仲伯有冰心地瓜、水果生菜沙拉、煎蛋。

▲Cafe門口有一個網美打卡牆,比客人食完同啲朋友影相。The good mood cafe 字體係玫瑰金!

▲係店內頂上掛滿好多白雲朵,同埋有吧檯座位,適合單人用餐。

咕嗼咖啡

地址:台中市美村路一段236巷5號
營業時間: 星期一至日8:30~18:30(星期三休息)
電話: 0423027928

文字來源:香港人.遊香港/圖片來源:@millyli59、@felicity1358、@_foodlifestyle_、@_c1997