觀塘千層蛋糕:【IG網紅千層蛋糕店!由賣蛋糕開埋輕食西餐小店!】- Call Me Chef

觀塘駱駝漆大廈近呢幾年開左唔少食店,一到晚餐時間果陣仲需要等好耐𨋢。呢間係之前已經IG好出名賣千層蛋糕,之後係駱駝漆大廈都開左實體店賣外賣千層蛋糕,到最近仲開埋西餐小店提供主菜輕食,坐位唔算多,一到晚餐時間店外都要排長龍!主菜通常一個餐唔過$100,份量又多,有埋餐湯,雪糕,沙律,飲品呢個價錢的確抵食,想食千層蛋糕既你不妨試埋呢度既主菜!

▲經典卡邦尼意粉配63度慢煮溫泉蛋及香脆煙肉($88套餐): 呢個餐包沙律,餐湯,雪糕,飲品。個蛋一切開就好流心,蛋皇都流晒落個意粉度,個份量有啲大,一個女仔未必可以食得晒。

▲切件千層蛋糕每日既口味都唔同,要睇下當日個餐牌會有咩味叫!

▲ 除左散件之外,客人仲可以預先訂定原個千層蛋糕,仲可以加錢要公仔朱古力牌。

全隻慢煮雞: 雞烤完啲雞肉好滑,配埋啲薯條,薯條都係即場炸既,食落去好脆唔會好淋。

▲ Call Me Chef 全日早餐($98): 有茄汁豆、蘋果豬肉腸、炒白菌、忌廉黑松露滑蛋、薯餅、封煎蕃茄。

▲店外有一個蛋糕櫃,係啲千層蛋糕切件左,客人亦都可以係呢間外賣切件千層蛋糕。

Call Me Chef

地址:觀塘開源道60號駱駝漆大廈3座4樓T號舖
營業時間: 星期一至日12:00-21:00
電話:22860833

文字來源:香港人.遊香港/圖片來源:@jose77hk_foodiecyncnndinewithhermcall_me_chef_workshopleomictridan