旺角美食:【旺角驚喜吉列芝士千層豚肉!新派日式居酒屋】- 申子居酒屋

旺角開左間食好多特別菜式既日式居酒屋,係鋪頭外面行過會比佢既裝修吸引到想知入面食咩,裡面裝修仲會掛充滿日式風味既掛畫。呢間居酒屋食物選擇好多,有刺身、壽司、炸物、天掃羅、燒物同串燒等,價錢算係旺角屬於中上。有唔少菜式都比較特別,例如申子飯、吉列芝士千層豚肉、水母刺身等。

▲吉列千層芝士豚肉卷($162):每夾起一舊炸豬排都做列拉絲既效果,每一層豚肉都有濃郁既芝士包住,口感非常!

▲極上鹽燒牛舌芯($92):牛舌燒得好入味,肉質好林唔會太硬好難咬,客人仲可以沾上檸檬汁或海鹽會更加好食!

▲水母刺身($88): 食落去好爽口同埋都幾鮮甜!口感好特別,唔係好多地方有得食。

▲蓬鬆玉子($98):玉子蛋一必開就流出蛋汁,蛋超滑,蛋入面仲整到有拉絲既效果。

▲申子飯($68):呢個飯最特別既係可以將個蛋白打到好挺身,然後係蛋白中間再加上蛋黃。客人可以再按個人喜好,加上蔥、紫菜撈飯一齊食。

申子居酒屋

地址:旺角黑布街74號藝興大廈地下1號舖
營業時間: 星期一至日12:00-02:30
電話: 59989188

文字來源:香港人.遊香港/圖片來源:@nkkc2012sieglau、@kimmykwanb