大埔點心店:【早餐之浪漫蒸排骨飯!大埔最好食蒸飯!】- 林記點心

賣蒸飯要賣到出名嘅唔多,大埔熟食中心呢間點心店每朝都擠滿人龍,佢哋嘅日賣500盅,用瓦碗裝飯,而且香飯水分控制得宜,軟硬剛剛好,配料總共有鳳爪排骨、排骨、牛肉三款,全部即叫即蒸。小編就獨愛蒸排骨飯,排骨同香飯一起蒸,排骨精華隨之流入米飯之中,加點豉油超好食!除咗蒸飯外,仲有好多傳統點心鵪鶉蛋燒賣、雞球大包等,係時候啦,呢個星期六日陪下屋企人食個滿足嘅早餐啦!

▲蒸排骨飯()被街坊稱為最好食既蒸飯,同其它鋪頭唔同,採用青花瓦碗,水份油份都恰到好處!

▲蒸排骨飯()師傅醃好排骨後,疊上米飯再蒸一會,令肉汁同米飯交融。令次出爐都好快賣完

▲魚翅餃一盅有4件,比起大酒樓只得3件,尚算大件抵食!

▲咸水角、腸粉、蝦餃、燒賣呢d都係食客最愛既點心

▲鵪鶉蛋燒賣係傳統點心,唔係度度都有!燒賣包著鵪鶉蛋!

▲呢度傳統點心大部分都係自家製作,唔同大酒樓用大陸工廠貨!

林記點心

地址:大埔鄉事會街8號大埔墟街市及熟食中心2樓CFS08-09舖

文字來源:香港人.遊香港/圖片來源:@midlevelgal、@kanleeyumyum、@fooddaily_taitai、@michaelcklam、@appleonly、@guolamfruit