fbpx
香港人遊香港

灣仔蟹粥:【灣仔必食招牌鮮甜羔蟹粥!橋底辣蟹之外都有好選擇!】- 一番風味

灣仔必食招牌鮮甜羔蟹粥!橋底辣蟹之外都有好選擇!

有時係灣仔想食蟹只係諗到橋底炒辣蟹,但其實仲有羔蟹粥可以食。呢間鋪頭既老闆係會加入自己創作來改良特色粤菜,除左有羔蟹粥可以食之外,仲有多款海鮮菜式選擇。鋪頭坐位都算多,唔會話坐到好逼,枱與枱之間有自己既空間,鋪頭裝修係充滿懷舊風味,牆上掛滿哂舊香港照片,都岩同長輩黎食晚飯。如果唔想諗食咩菜式,都可以選擇叫套餐,每個套餐都一定會有招牌羔蟹粥的。

▲招牌羔蟹粥(時價):整鍋粥都是蟹膏味,食羔蟹肉都十分鮮甜。份量亦都夠幾個人一齊食。

▲酥皮牛腩($88):呢碟菜既牛腩都係炆完之後再切粒,然後再沾上漿再炸,外脆內軟,好特別!

▲避風塘炒蟹(時價): 呢個食落比較重口味,少少辣,如果唔想食到咁清淡,可以叫呢個均衡番個味覺!

黃金蝦($148):呢度既蝦係可以連殻吃,就算涼左先食都唔會變硬,可以原隻咬嚼。上面既蛋黃黃金醬加上蝦肉一齊食咸香簡直一流!

▲XO醬炒斑球($188): 斑球好厚身,食落去啖啖肉,加上用XO醬煮會煮到特別惹味。

▲蒜茸粉絲蒸蟶子皇(時價):蟶子王好大隻,成隻蟶子都鋪滿晒啲粉絲,食落去好爽口,粉絲又好入味。

一番風味

地址:灣仔灣仔道138號明豐大廈地舖
營業時間:11:00 – 23:00

電話:37021371

文字來源:香港人.遊香港/圖片來源:@wiamchung、@_wanttoeat、@hkmicell、@lanmikou、@ilovehk_disney930、@umizo15

Tagged with:     , ,

Follow us

合作查詢

歡迎與我們聯絡, 查詢合作