fbpx
香港人遊香港

銅鑼灣日本菜:【銅鑼灣必試新鮮又平價既日本平民食堂】-246食堂

60蚊食到吞拿魚大三元+海膽山!銅鑼灣低價高質日本食堂!

近銅鑼灣終於開左間日本菜算係平平地,當月尾手緊又想食日本菜既時候,呢間確實係唔錯既選擇!鋪頭老闆係日本人黎,佢希望可以將日本既平民食堂文化都帶到黎香港,等香港人都食到又平又高質既日本料理。呢間鋪最大既賣點就係所有食物既價錢係劃一收費,$20、$40、$60。唔好睇個價錢咁平就以為啲刺身會唔新鮮,所有食材都係由豐洲市場水產新鮮運到來港!咁新鮮既魚生加上咁實惠既價錢又點可以唔去試呢? 要注意既係呢度有人頭消費,每人要食夠最少$100。家陣仲係九龍區油麻地開左第二間分店添!

▲海膽富士山($60):送到黎見到成座海膽山咁,呢個價錢真係好抵食! 海膽食落唔會好腥好海水味,食落去真係幾鮮甜。

▲大三元壽司($60):大三元包含黑鮪赤身、腹身同蔥花黑鮪腩蓉,客人叫呢個可以一啖就食到黑鮪唔同部位嘅味道,好肥美好正!

▲和牛壽喜燒鍋($60):和牛壽喜燒鍋係用A4和牛作主角,仲有埋埋蔬菜、冬菇同粉絲作火鍋配料。

▲燒牛脷串($40一串): 燒既火候岩岩好,食落去唔會太硬好難咬。

▲A4和牛稻庭烏冬($60): 和牛油脂好豐富,入口即溶,和牛份量呢個價錢都有兩片,絕對抵食!

▲鋪頭門外既橙色底黑色字既招牌好搶眼,門口個日式設計也令人一睇就知係食日本菜。

246食堂

地址:灣仔謝斐道415-421號積福大廈地下B號舖
營業時間:
12:00 – 15:00/18:00 – 23:00
電話:28080292

文字來源:香港人.遊香港/圖片來源:fetishdidi、@yungcherie.cchalu_hayashi、@xothefoodie

Tagged with:     ,

Follow us

合作查詢

歡迎與我們聯絡, 查詢合作