青衣cafe:【本地文青風型格cafe!夏天必飲椰皇咖啡+意大利雪糕!】- GoldBlack Creative Coffee Journey

住青衣既朋友成日都呻冇野食,不過近年就進駐左呢間非連鎖咖啡店,都幾受本地居民歡迎,背後集團係本地文青牧羊少年,裝潢風格以型格黑白色主調,座位闊落開揚,等人閒談好地方,咖啡豆台灣冠軍咖啡大師烘焙,再空運到港,咖啡款式並不一般,深得食客歡迎,夏天最令人驚喜一定係呢個名為椰林國既椰香咖啡,而小編就推介一年365日都咁受歡迎既玫瑰可可朱古力,採用店家自製既玫瑰花蜜,口味濃郁。店家仲會不時推出唔同口味咖啡,令食客經常都試到新既品嚐咖啡方式。

▲椰林國()又似咖啡,又似甜品,賣相吸睛,彷如去左東南亞國家Cafe咁,

▲椰林國用即叫即開椰皇水沖調咖啡,頂層再灑上椰絲,係夏天透心涼之選!

▲香蕉樂園係一杯咖啡上面放左一片片以焦糖燒嘅香蕉!

▲芝麻開門($52)具有雲石般外觀,以特濃咖啡為底,配上芝麻,味道淡香

▲Goldblack Ice-cream ,以朱古力、豆腐口味意大利雪糕,加入Oreo 及餅乾特濃朱古力碎,再淋上一層香濃espresso

▲玫瑰可可朱古力($38)香濃既可可朱古力加入店家調製的玫瑰香蜜

▲以黑白灰為主題色,極有文青風格。

GoldBlack Creative Coffee Journey

地址:青衣青敬路33號青衣城1期 G樓26-27號舖
營業時間:07:30 – 22:00

文字來源:香港人.遊香港/圖片來源:@goldblackcoffee、@kennismannn、@food.ie_at、@iakich、@fongting21