fbpx
香港人遊香港

遊輪旅遊:【全亞洲最大遊輪!90米海上景觀台+VR跳彈床+海上極限運動!】- 皇家加勒比海洋光譜號

全亞洲最大皇家加勒比海洋光譜號!90米海上景觀台+VR跳彈床+海上極限運動!

打工仔一有假期就搶平機票去旅行,有冇諗過用一啲另類嘅方法享受整個旅程?小編今次就率先試玩有「來自未來的遊輪」之稱嘅皇家加勒比海洋光譜號,佢係歷來最大到訪香港遊輪,總長度係348米,闊度係41米,可以容納超過5000人,船上設施應有盡有,遊樂設施動靜皆宜,最矚目嘅北極星高空眺望海平線、刺激非常嘅南極球VR笨豬跳、甲板衝浪、甲板跳傘呢啲都係必玩item,喺遊輪客房瞓到自然醒,下午再mark返一兩個活動玩,包你唔會覺得悶!

遊輪有幾大?


▲皇家加勒比海洋光譜號總噸位:16.8米,吃水深度高達8.5米


▲擁有16總甲板層數,超過2000間客房,可同時招待5622名客人!

皇家首創娛樂設施

要留喺船上面咁多個小時,又點少得刺激玩樂設施?皇家加勒比海洋光譜號引入左甲板跳傘、北極星、南極球、甲板滑浪等玩樂設施,有驚險刺激、有技術鍛練、有海上觀光,以唔同方式滿足你對旅遊嘅慾望!


▲甲板跳傘其實係模擬高空跳傘體驗,遊玩時不但感受到跳傘樂趣,仲可人扮超人係空中飛翔!



▲離遠已經見到呢個好搶眼嘅直徑為11米橙色波,內設有跳彈床,為遊客模擬穿越地心之旅,伴之以VR科技創造的視覺歷險體驗。


▲跳彈床體驗可以選擇配戴VR眼鏡或唔戴!

▲甲板滑浪可令乘客喺遊輪上感受乘風破浪!


▲船上另一亮點就係呢個高空觀景艙「北極星」。外觀係普通觀景台北極星,懸吊海平面上高達300呎!


小編建議靠岸時登上北極星,不但可以由懸吊式觀景艙瞭望海平面,仲可以以航拍機角度俯瞰船隻同岸邊城市

親子遊樂設施

船上新奇好玩嘅設施,點止咁少!小編另外仲有好介紹,幼齡小朋友都一樣啱玩!喺戲水餐廳,小朋友除咗可以食得滋味,更可以濕身玩水玩餐飽!


▲親子必玩呢個戲水餐廳,鄰近兒童戲水區域,有色彩繽紛滑梯及戲水裝置,父母可以安坐旁邊曬太陽,歎得放心又寫意!


▲兒童遊戲機中心,有10幾部遊戲機同夾公仔機,小朋友一定玩到流連忘返!


▲估唔到遊輪都有得玩碰碰車!呢個海上多功能運動館仲會有室內球類運動,乘客玩盡場內嘅AR設備,投入結合虛擬、真實高科技嘅運動體驗。


▲戶外攀石亦有專人指導,安全又刺激!


▲船上熊貓打卡位適合年齡比較細小朋友影相留念。

船上餐飲及娛樂服務

船上各式各國料理應有盡有,設有多間免費及特色餐廳,會喺行程中每天提供中西Menu,供遊客個人單點環球美食,日日食都唔會膩!食飽飯,鍾意唱歌嘅你可以一家大細去明星時刻唱k!


▲船上主餐廳(Main Dining Room)可容納 1844人,環境舒適,適合一家人係呢度聚餐。


▲小編當日食咗前菜-麻辣春雞、主菜炭烤紐約牛排、甜品焦糖燉蛋、紐約芝士蛋糕及朱古力撻。當中糅合各地風味特製而成嘅麻辣春雞,正正呼應船上五花八門嘅多國美食!


▲大董意境坊(Wonderland’s Dadong)


▲全新嘅明星時刻(Star Moment)有包房同大廳,親朋好友可以黎呢度一展歌㗋!


▲嚟到機械人酒吧,客人會見到2隻機械手臂喺度隨住節拍舞動。只要插入房卡,喺螢幕上揀選嘢飲,唔使1分鐘,機械調酒師就會奉上調好咗嘅飲品㗎啦!

Chill住Hea玩遊輪!

要chill點止係房間入面享受無敵海景,仲可以走上甲板曬太陽,飲杯野,閒時仲可以留意時間表睇表演,實行由朝玩到晚!


▲遊輪除咗動態體驗,甲板上仲有大量太陽椅,拎本小說閱讀休憩一番,曬曬太陽,度過一個假期下午。


▲船上甲板亦有緩跑徑,有街跑習慣朋友仔,就可以係甲板上跑步。


▲270度景觀廳及皇家大劇院上演精彩歌舞劇表演,乘客可以盡情欣賞!

海洋光譜號

航行旅程:
7晚日本及菲律賓出發日期:2019年12月22日、2020年1月2日
4晚峴港/順化 (真美)出發日期: 2019年12月18日或29日出發
限定優惠:
1/上官網預訂由香港「海洋光譜號」出發之航線,同房頭兩位可享高達HK$3,400船費優惠,第三、四位更享半價
2/預訂時輸入「ROYALOBC」每房額外US$150船上消費額(6月6日-18日除外)

立即預訂:http://bit.ly/2XiVxLh

 

文字來源及圖片來源:香港人.遊香港

Follow us

合作查詢

歡迎與我們聯絡, 查詢合作