尖沙咀Cafe:【同閨蜜打卡必到花牆Cafe+留言版廚師發板】- 樂園

有時閨蜜生日唔知同佢去邊度慶祝好,想搵間影相靚既Cafe坐低慢慢影,最好有埋甜品可以有埋Happy Birthday 祝福字眼,咁影起相黎都靚啲!大家可以去呢間Cafe同朋友慶祝生日,呢度有兩個花花牆比客人打卡,鋪頭裡面仲會有兩隻貓貓睇鋪,Cafe絕對歡迎你地同貓貓玩!生日既話可以叫個廚師發板,兩位先可以order嫁!一上菜時店員都會好主動咁話幫你地榨機影相。除左廚師發板,Cafe仲有其他小食,甜品可以叫。

▲廚師發板(驚喜價每位$198): 牛油檸檬汁煎帶子、黑魚子鵝肝多士、香煎加拿大特大號虎蝦、香煎安格斯牛排,另外仲有5款主食。客人可以係落單之前同定店員講話想寫埋祝福字句係上面,比個驚喜同行者。

▲仙氣・龍蝦海鮮意大利飯 二人份量(星期一至四超驚喜價$298/ 原價$398): 有成隻波士頓龍蝦係面,意大利飯係鋪滿全個鮮茄珍珠飯,藍青口份量都好多,兩個人食絕對係會好飽!

▲仙氣・花浴 ($68): 呢個其實係玫瑰菠蘿西柚特飲,飲之前客人可以試玩下個浴缸,禁住個制之後個花灑就會噴啲飲料落隻杯度,呢個飲品飲得又玩得。

▲ 319熱榛子朱古力($58): 呢杯朱古力面頭會有動物造型既棉花糖,今次係個龍貓造型,真係好得意。

▲朱古力芝士蛋糕($78): 蛋糕係由北海道直送。如果你係美少女迷既話,呢個甜品好岩你!美少女造型既蛋糕插牌加上碟邊有美少女公仔! 仲會配埋個綠色既豆腐味雪糕,未食果陣仲以為係綠茶味!

▲呢隻貓叫多多,雖然佢會係鋪頭度跳上張枱,但當你枱面有野食果陣佢地就唔會跳上黎。

▲呢隻貓叫寶寶,係鋪頭既貓店長,好受客人歡迎嫁! 

 ▲呢度仲會有好多款Board Game 比客人玩。

▲打卡位既花牆!

樂園

地址: 尖沙咀北京道65-69號環球商業大廈2樓205-06室
營業時間:
星期一至四14:00 – 23:00/星期五14:00 – 00:00/星期六至日 12:00 – 23:00
電話: 27393039

文字來源/圖片來源:香港人.遊香港