銅鑼灣甜品:【藝術都可以用黎整甜品? 精緻創意分子甜品】- ZUC.CCH.ERO

餐廳「Zuc.Ch.Ero」個名字其實是取材自意大利文「糖」既意思,店主亦在呢個名上加多個「C」字,C是指Creative,來喻意係甜品設計上發揮無限創意。呢間餐廳主打以「糖」既分子甜品,每一款甜品既造型都精緻得像一件藝術品,岩曬啲文青同中意「相機食先」既朋友去食!鋪頭中央有一大張長檯配上高凳,客人可以近距離欣賞甜品師既製作過程。

▲ The Universe($298):呢個甜品係以茶為主題,分別有鐵觀音味慕絲、伯爵茶味慕絲、茉莉花味慕絲、洋甘菊啫喱,曲奇餅碎,星星脆粒同埋綠茶雪糕。份量岩晒兩個女仔一齊食,食落去又唔會好濟!呢個價錢係一個餐,會包兩杯飲品。

▲Para Para Sakura($138):外形好似一棵櫻花樹咁,櫻花係棉花糖黎,係士多啤梨味,而仿樹枝係黑朱古力,味道偏微甜。樹下既紅桑子就酸酸地,配搭朱古力及榛子一齊食,酸酸甜甜,唔會太流。

Break the Tear($138): 呢個甜品係利用特別既儀器做成「眼淚」 ,一開始一好既既藍色野,一吹就變左「眼淚」,食得又玩得。當客人影完相之後就會打爛個眼淚去食入面啲雪糕。出面透亮的藍色糖膠份量好多,同埋入邊既藍莓味雪糕好食!

Planet Earth($128):呢個甜品外形係一舊「白雲」 加個「地球」,白雲其實係棉花糖,而地球外層係朱古力薄脆,內層係茉莉花味道既mousse店員會比兩枝分別係蜜瓜味或焦糖味糖水你噴落去,然後醬汁會跌係地球上面。

Mount Fuji($268每日限量10份): 富士山係以波子汽水、乳酪、蜜瓜芭菲、橙味蛋糕及櫻花啫喱整成。食之前,職員會倒液態氮落富士山山口內,令到個富士山口會出煙。呢個價錢係一個餐,會包兩杯飲品。

▲如果客人想比個生日驚喜比同壽星,可以事先同定店員講祝福字句,然後安排寫想碟邊上,影相都靚啲嫁!

▲店鋪裝潢明亮簡潔,頂上掛住一舊舊用棉花仿製既雲層裝飾。

ZUC.CCH.ERO

地址:銅鑼灣耀華街3號百樂中心18樓1802-3室
營業時間: 星期一、三至日14:30-23:30
電話:
34279828

文字來源:香港人.遊香港/圖片來源:@zuc.cch.ero