fbpx
香港人遊香港

中環葡萄牙菜:【40小時慢煮牛肋骨+邪惡鵝肝忌廉牛骨髓配多士!中環小清新葡萄牙菜!】- Casa Lisboa Gastronomia Portuguesa

40小時慢煮牛肋骨+邪惡鵝肝忌廉牛骨髓配多士!中環小清新午後葡萄牙菜!

葡萄牙菜又點止馬介休、葡撻咁簡單呢?中環大館對面有一間新派葡萄牙菜,裝修陳設明亮舒適,主要以當代葡國口味打造一系列新菜式,令大家品嚐不一樣既葡菜,味道同賣相都煥然一新,叢林風格既牛肋骨配煙燻Migas麵包糠、葡萄牙砵酒牛骨髓配多士,前者採用安格斯牛肋骨肉以低溫慢煮40小時,澎湃甘香既牛油充沛住味覺;而後者將牛骨髓加入鵝肝、忌廉,聽到都覺得好邪惡!兩者對牛都有唔同既演繹,再加入葡萄牙人最愛既食材烹煮!值得一提係,呢度既cocktail menu,係一疊postcard,只要你揀左邊杯野飲,店員就會將果張postcard 送比你,你即時寫好交比店員,就會免費幫你寄出架喇!

▲天時暑熱,小編想飲返杯cocktail,店員卻拎一盒水藍色木盒過黎,入面裝住葡萄牙景色既靚景Postcard,只要你order左相應既cocktail就會送果張postcard比你,即場寫交比店員就會免費幫你寄出。


▲呢杯夢幻紫色既cocktail捕捉少女心,Fresh mint leaves/ Butterfly Pea Tea Infused Gin/Fresh Lime Juice/ Cinnamon Syrup,飲落充滿花香,優雅紫色既天然色素黎自蝶豆花茶氈酒,加上店家自家製肉桂糖漿。


▲Casa Lisboa 牛骨髓配多士 ($140)牛骨髓從牛骨中取出炒香,加入鵝肝、忌廉煮成。


▲Casa Lisboa 牛骨髓配多士 ($140)面層再鋪上用葡萄牙砵酒炒至焦糖化既洋蔥條。


▲Cozido雜烚菠菜肉湯 ($88)原本係家庭菜式,佢係將葡萄牙腸肉、雞肉、牛肉同豬肉連同蔬菜滾成,改良後以椰菜包住葡萄牙腸肉、雞肉、牛肉同豬肉。


▲素菜千層麵($128)呢個輕盈茶式,岩哂愛好健康既人士,茄子、番茄和翠玉瓜,將三層翠玉瓜片地分隔著兩層茄子蓉、番茄蓉


▲Cabidela 慢煮珍珠雞飯 ($295)以自家熬製的珍珠雞湯、葡萄牙黑啤同香料代替雞血,攝氏60度低溫慢煮2小時


▲比利亞豬配蘋果粒及Madeira酒汁 ($280)豬扒配蘋果絕對係prefect match!一齊食既豬肉有陣陣果香。


▲安格斯牛肋肉配煙燻Migas ($310)配菜Alheira Migas值得一提,將Migas混入了羽衣甘藍、白豆和葡萄牙獵肉腸 (Alheira)。用澳洲安格斯牛肋骨肉,並以攝氏68度低溫慢煮40小時,足夠讓肉裏的蛋白質和油份適當地分解,入口細嫩無瑕。


▲芒果熱情果芝士布丁 ($90)水果同芝士一齊食係葡萄牙人至like!以軟滑既Mascarpone 芝士同忌廉製成布丁,加上熱情果汁同芒果,食落酸甜口感俱備!

 

Casa Lisboa Gastronomia Portuguesa

地址:中環雲咸街63號巴力大廈2樓
電話:29051168
營業時間:星期一至日12:00 – 15:00/18:30 – 00:00

文字來源:香港人.遊香港/圖片來源:香港人.遊香港

Tagged with:     ,

Follow us

合作查詢

歡迎與我們聯絡, 查詢合作