fbpx
香港人遊香港

【10個人生必到旅行景點!最少黎一次既必打卡景點!】

10個人生必到旅行景點!必打卡景點!

世界咁大,究竟應該去左邊度旅行先呢? 小編私心想介紹十個景點比大家睇,見到啲咁靚既景色,都希望大家有假有時間去享受下。

1/玻利維亞-烏尤尼鹽沼

呢個係全世界最大鹽湖,位於海拔大約3700公尺。鹽湖面積10,582 平方公里,相等於1 / 3個台灣咁大。呢度之所以咁特別係因為湖底積累千萬年既食鹽結晶,望落去係一望無際既白色地面,每逢雨季(每年的12月-3月)都會因為地面累積雨水而形成「天空之鏡」,睇落去好似「鏡子」咁。當藍天白雲、夕陽彩霞,滿天星星果陣仲可以影到倒影都有呢啲景象。因此呢個咁出名既地方,當地有唔少本地旅行社都有搞一日團、星空團、日落團等去比旅客參加。

▲倒影都可以好清楚咁見到。

▲呢度有世界唔同國家既國旗插係個鹽湖上,旅客可以搵番自己國家既國旗影相。
▲呢度既夜晚好天既話係可以影到成天星星,然後水倒影都有星空。前往交通方法:玻利維亞首都拉巴斯搭乘飛機或是巴士前往烏尤尼。搭巴士需要7-8個小時,價格比較便宜。而搭飛機則只要40分鐘。如果唔想浪費咁多時間係交通上,就選擇搭飛機吧。

2/東京千島縣-溝の滝

溝の滝又稱為「亀岩の洞窟」,距離東京大約 100 公里,大約車程需要一個多小時,呢度係千葉縣君津市鴨川河道上既一個石壁洞窟。石壁洞窟 約十五米高,當陽光斜斜穿過洞窟,就會形成射燈效果。如果係特定角度同時間仲可以影到攝到陽光與倒影形成橫向心型

▲如要配合陽光角度來拍攝到心型倒映的話,只可以在每年 3 月及 9 月的早上六點半至七點正影。


▲近望去石壁洞窟既景色。前往交通方法: 可以自己租車從東京出發,又或者搭JR總武線由東京站出發到上總龜山站,再轉乘君津聯絡巴士往濃溝瀑布。

3/ 印尼科莫多島-粉紅沙灘

位於峇里島既東部,有一座比較原始野性既小島-科莫多。島上除左有粉紅色沙灘之外,仲有恐龍近親既巨蜥「科莫多龍」可以睇。

▲ 呢度既粉色沙灘海水清澈,加上海洋生物受到較好保護,所以成為潛水熱門地之一。
▲由高處影落黎真係好靚,但要注意要唔好亂掉垃圾,記得保持沙灘乾淨。前往交通方法: 從峇里島乘搭逾一小時飛機,就可以到達科莫多機場。

4/新疆-喀拉庫勒湖

喀拉庫勒湖係一個位於高原既湖泊,海拔約3600百米,面積為10平方公里,。這裡的湖水一天之中會不停地變幻着各種顏色。

▲ 啲水睇落去好平靜同埋好清,湖亦被帕米爾高原雪山包圍。

前往交通方法: 可自駕或包車前往,卡拉庫勒湖位於314國道旁邊

 

5/土耳其-棉花堡

棉花堡亦有另一個花名叫「白色城堡」,棉堡高160米、長2,700米,就好似一座雪白的堡壘。棉堡既形成係因為冷卻既石灰岩順住個地形沉積,先形成到一片好似棉花糖般既棉堡。除左可以睇呢個靚景之外,遊客仲可以有溫泉浸。由於呢度係典型的地中海氣候,所以最適合係5月至9月遊覽。

▲ 不少遊客會帶埋泳衣黎呢度浸溫泉。

▲一層層藍白相間既梯田,係注滿了含有石灰岩的溫泉水,遠睇係好似一層層既棉花咁。前往交通方法:可以從伊斯坦堡搭飛機飛往代尼茲利機場約一個多小時,然後在代尼茲利有自駕到棉花堡,約一小時。或者從土耳其搭長途巴士去棉花堡。

 

6/黃石國家公園-大稜鏡溫泉

大稜鏡溫泉係世界第三大既溫泉。 特別在湖面既顏色會隨季節而改變,春季既時候湖面會由綠色變為燦爛的橙紅色。由於富含礦物質既水體中生活既藻類和含色素既細菌等微生物,它們體內既葉綠素和類胡蘿蔔素比例會隨季節變換而改變,於是水體也就呈現出不同既色彩。
▲ 由於溫泉水溫實在太熱,遊客只可以站在遠處的觀景台去睇。
▲ 從高處影既角度。
▲係夏季葉綠素含量相對較低,所以會顯現橙色、紅色,或黃色。前往交通方法: 一般會自行從鹽城湖自駕到黃石公園,而路線大致為從北方、西南方和東方三個方向。

7/四川-九寨溝

九寨溝有「童話世界」既美譽,佢個名係因為圍繞既山區裡有九個藏族村寨。呢度亦自然保護區同世界人類自然遺產名錄。九寨溝海拔約1900至3100米,區內有湖泊、瀑布、雪山和森林等景色。九寨溝風景名勝區四季景色都勁靚,最靚既時候係在秋天來臨時,葉色隨著變,五顏六色美不勝收。
▲則查窪溝係九寨溝內最大的海,長約17公里,景點集中在溝的盡頭,這裡有季節海、五彩池和長海。▲諾日朗瀑布係地震後既岩层出現左局部崩塌,但係一年後修復完瀑布變到更加壯觀更靚。

往交通方法: 在九寨黃龍機場乘坐大巴前往九寨溝風景區,車費人民幣 45 元,車程約 1 小時,亦可選擇包車到溝口,從機場出發要大約 250 元人民幣。

8/峇里島-Pura Lempuyang

Pura Lempuyang係峇里島第三大又歷史悠久既印度教寺廟,建於1170多米既山上,呢度一共有七座寺廟。入廟宇前要先係門口購買門票,就記得為表尊重呢度係唔比講任何髒話。同埋呢度既打卡位係要排隊影相,將拍攝工具比員工,佢地就會幫你地影到啲好靚既相嫁啦。

▲天空之門都可以影到天空之鏡效果,原因並唔係長期積水,而是影相時有個職員用反光鏡放係鏡頭上,咁樣拍出黎既照片就可以呈現出天空之鏡既效果。如果有細心咁睇番張相,其實不難發現照片中的倒影係唔完美地連貫住個閘門。
▲去到真實見到既景色。前往交通方法:如果由Kuta 或 Denpasar 出發到呢度既話,電單車大約3個小時,來回就6-7小時,但如果包車的話,也許會快一些,大約2個小時。同埋google map未必準確show到個位置出黎,所以最好租車連同當地司機車你過去,如果唔係好難去到目的地!

9/秘魯-彩虹山

呢度之所以叫做彩虹山係因為呢度既彩色岩石層理分明,當地人會叫做Quechua 稱為 Vinicunca,解作「七色的山」。如果要上呢座山既話,係要用自己雙腳走上去,因為旅遊車只會載你到山下的停車場! 你要自己係海拔4500米開始走5公里! 來回共10公里! 要注意既係要小心有高原反應。
如果想行少啲亦都可以選擇騎馬,但最後一段路也是要自己走的!

▲ 呢座山係用彩色砂礫岩結合而成的天然絕景。不過要去彩虹山一點也不容易,凌晨2點多便要由庫斯科出發到行山起點。
▲上到去可以同羊駝合照,好可愛!
前往交通方法:香港飛美國或歐洲轉機前往秘魯首都利馬,然後再轉機前往庫斯科,再需要轉巴士搭3小時車程,先到達起步點Quesiun。

10/美國亞利桑那州-羚羊峽谷

羚羊峽谷係世界上最出名既狹縫型峽谷之一,寬既地方得3-5米,窄既地方只可以一個人行。參加峽谷時一定要參加當地旅行社,然後由當地人帶路,可以去到門口先搵旅行團,亦都可以一早搵由拉斯維加斯出發既旅行團。峽谷分為上羚羊同雨羚羊。兩個都各有特色。


▲ 峽谷受到長期侵蝕先形成到今日既奇觀,兩邊既石頭都係粉紅色既岩石,有一條條清晰的褐色條紋。

▲上羚羊峽谷中午時去參觀就會影到有條光柱係岩石之間穿插。

前往交通方法: 需要由拉斯維加斯自己租車開過去或者參加當地一至兩日本地團。

文字來源:香港人.遊香港/圖片來源:@babymimo、@jiangbolee_、@ptitepaupiette@brunopalomaresbjjcapitana_tours、@_s_h_p__、@venustum、@lifechemtw、@lindawuxoxo、@zelda60233、@mzahtt、@elena_hung_photomtwebdesign、@anoukpelsma、@travelgogo1、@kl_fflower、@bbon2park、@where.is.gio@simonaceline、@komodotrip_、@coordinatesofher、@linawitz、@astika_tour.bali

Follow us

合作查詢

歡迎與我們聯絡, 查詢合作