中環打卡:【中環珠寶店網紅打卡立體花牆!文青女最愛霓虹燈+乾花!】- Rich & Rare Jewellery

呢間位於中環擺花街既新興珠寶店,就係嘉咸街網紅油畫牆對面,行過都會比外牆吸引,門口花牆每大約半年會轉換一次,今次已經係第3次變裝喇!花花都係立體,今次以油上金色既植物,模仿植物凋謝既滄桑感,有高雅既感覺!珠寶店行中高端路線,一件珠寶2000蚊港幣起跳,主打佢地新派既款式設計,係佢地珠寶店顧客既話,店員都會大大推薦戴上新買既戰利品影相!當然,行過影張相打個靚卡緊係冇問題啦!

▲中環擺花街呢個轉角位係一間新起既珠寶店,近年都心思十足粉飾外牆。

▲乾花加上霓虹燈,係文青女打卡必備元素!

▲今次主題係以金色配大紅,好有特色!花花係立體裝飾,直接可以觸摸到。

▲小編就遇見顧客買完心頭好即刻戴上,係花牆前打卡!

▲間中亦有零聲既紅花、黃花,係呢度做街拍可以突出主題!

▲遇上假日,呢個打卡位可能要等人地影完先有得影!

Rich & Rare Jewellery

地址: 中環擺花街60號
電話: 2827 7117

文字來源:香港人.遊香港/圖片來源:香港人.遊香港、@earnautjima、@ivyliao1994、@ggusbells