fbpx
香港人遊香港

便利店美食:【韓式紫菜手卷+芫荽百力滋+BTS咖啡!】- 7-Eleven

便利店最新夏日美食!韓式紫菜手卷+芫荽百力滋+BTS咖啡!

最近天氣真係又濕又熱,腦細話要各自買外賣lunch meeting,小編本著快食既心態,落便利店買d輕食,點知比我發現到有新野!今個lunch 買左呢4款外表唔同顏色包裝既韓式紫菜手卷,口味有香辣蜆肉、香辣芝士雞肉、三色芝士雞肉同蟹醬,唔駛咁熱又飽肚!買完lunch之後,眼尾瞄到百力滋出左茜味!繼芫荽味薯片之後,芫荽味百力滋食落有清新芳香架!咦咦咦~之前BTS 粉絲勁搶既 Cold Brew出左香港版喇wo!係防彈少年團專屬,不過要儲齊一套真係要行多幾間7仔先得!


▲韓式手卷有4個口味包括香辣蜆肉($20)、香辣芝士雞肉($17)、三色芝士雞肉($17)及蟹醬($20),就咁快食又得,放入微波爐叮熱佢食又得!


▲三色芝士雞肉韓式手卷建議叮左先食用,因為佢係以水牛芝士、車打芝士及巴馬臣芝士製成,放入微波爐輕輕加熱一分鐘,芝士仲會拉絲!


▲手卷已預先切好,一卷共有 8小件方便易食!


▲芫荽味百力滋($13)外盒設計以滿滿芫荽帶來自然清新感覺。


▲芫荽味百力滋採用真實芫荽製成,所以餅乾條呈現成淡淡青草綠。


▲DELI FRESH冷壓鮮芒果蘋果熱情果汁($20)/ DELI FRESH冷壓雙色鮮奇異果汁($20)今次果汁係冷壓系列,前者果汁等於1 個芒果及1 個蘋果,後者則選用金奇異果及青奇異果。


▲7-Eleven 期間限定 Cold Brew by Babinski 防彈少年團 BTS 美式冷萃咖啡,粉絲必搶!7款包裝都印有BTS成員肖像同名字!

7-Eleven

分店地址:http://bit.ly/2LMn5rd

文字/圖片來源:香港人.遊香港

Follow us

合作查詢

歡迎與我們聯絡, 查詢合作